無聊傾偈，小朋友讀幼稚園，就嚟放暑假，我有plan 小朋友活動但唔算排得好密，原因係唔想過分entertain 佢，想佢自己識得自己搵野玩，但又有啲擔心困獸鬥會自己都發埋癲 
大家有冇心得分享？共同set routine 有冇用？
我就係唔想困獸鬥先要出去學吓嘢玩吓，但就唔會排到日日都要出街嘅。
參加咗社區中心啲活動，好似大概一星期2-3日。英文班keep住無停，係停咗數學休息一個月，８月繼續。
唔洗返興趣班個啲日子就會搵啲得意嘅主題商埸行吓，去吓游水book吓埸打波或去下圖書館。
1個讚
我一暑假就整啲「溫習計劃」同「閱讀計劃」既有獎遊戲
溫習計劃係做3版功課類，中英數各一版
閱讀計劃係中、英書本各一
買左啲slime 做獎品，完成14日計劃獲獎
煩少14日
唔洗日日做，自己決定囉
想快啲要咪日日做，唔係隔日又好，乜都好
我唔會催，做唔到冇獎，完結
2個讚
咁細個就咁乖自己會睇㗎？
1個讚
所以要「利誘」囉
同埋唔好要求太高，例如太多字既書
當然bb書又唔得啦，睇返幾多歲，二、三行字咁對佢黎講easy to meet the target 咁又開心啲
2個讚
咁其餘嗰一個月點搞？
來吧!三分鐘放縱
不羈的放縱
Because of you Babe!
3個讚
媽媽記得準備自己hideout 同零食唞吓氣
1個讚
幼稚園放暑假都係多左三個鐘啫……咁就要焦慮….
係！我就是廢！
4個讚
好啱呀，而家啲小朋友好似世界要圍住佢哋轉，去旅行都好親子，佢哋唔使就大人玩咁
1個讚
抱抱，我明白，我以前都會好焦慮，特別小朋友係SEN，更恐懼。
以前真係日日上興趣班架，好彩屋企附近有社區中心，興趣班都算平靚正。另外疫情期間（個陣係K3），我設計左bingo to-do list，每日都要做唔同task 連成一條直線就有20-30free time玩乜都得。而啲task可能只係早午餐唔食剩，幫手掃一次地，做一頁練習，自己玩半個等，結果佢開始有自己plan去過每日概念。
今年佢P2啦，我無再日日報興趣班，亦都唔再焦慮，返而留啲時間，想同佢去唔同地方玩。
媽媽加油
3個讚
我以前會隔兩日就去泳池玩水
另外就會帶去啲室內遊樂場玩
再唔係行商場
去圖書館涼下冷氣都係唔錯既選擇
好過癮，等我整個比我老公先，一條直線嗰晚就可
好，等你分享work唔work
1個讚
我覺得好好玩
分享返幼稚園時期（包括疫情期間online class)，我有每日嘅時間表比佢，個時間表同佢一齊整，會check埋幾點電視有咩卡通片，會比佢睇電視，上午會有唔同嘅活動比佢陪玩，例如畫畫，做手工，整甜品，做科學小實驗，落街踩scooter or roller skating，跑步。
而疫情較嚴重時，我每星期只去一次買餸（蔬果類），咁會同佢一齊整shopping list，凍肉／飲品／屋企d雜貨（例如廁紙等）係網上訂貨，就會同佢一齊喺屋企檢查下有咩要買，再同佢一齊喺app度揀。
同埋教佢做簡單家務，例如晾衫摺衫，抹地，洗碗。喺幼稚園時期已教左佢炒蛋，炒飯，醃肉等。
當然每日都一定會有閱讀時間（中英至少1本），有簡單book report，畫故事內容或鍾意嘅人物，表達心情等等。
我覺得喺果段時間佢進步得好快，亦因為幼稚園已經咁做，佢而家小一（嚟近9月升小二），平時放學都會自動幫手摺衫，抹地，亦會同我一齊煮飯，有時都會話洗碗。
而嚟近暑假，幫佢報左好多參觀活動，例如參觀維他奶廠，益力多廠等等，仲會去day camp。嚟近都會同佢制定今年嘅時間表。盡情玩暑假
4個讚
呢啲好易喎，得打少兩個鐘機有啲挑戰性
會唔會加埋整埋後園/捉走幾隻daddy long leg/洗廁所增加下難度
1個讚
我隻公同我剔晒，話已經bingo，我話點會呀？
原來佢話將已做同打算做嘅一齊剔，話我冇講明遊戲規則
佢好適合做漁村選舉主任