以前讀書有考LCCI level 3, 但未真正做過會計工。
做左補習老師幾年，而家想轉有關秘書、行政或私人助理或有關會計的工作，請問各位有冇推薦坊間比較好的課程？
因為我見d job ad 要會計識myob, peachtree, 秘書就要秘書實務課程，所以想問下讀邊個course 較有認受性。
想轉工係因為補習社8pm 先放工，星期六又要返，希望可以轉一份只返一至五既工，多謝大家嘅意見。
依個唔一定，睇公司用咩software，有d細公司仲用excel埋數嫁咋
hkuspace都ok的，有d仲有得claim CEF
8PM放工係每日返嗎? 進修果d堂多數都7點就開始
補習社放平日一日同星期日，所以平日都可以去進修。
如果想aim at $20000-25000 人工，係咪應該會計工比較多有呢個人工？
謝謝解答
lcci lv3但未做過有關工種，應該得account clerk人工 
我公司係衰，可能你會搵到岩心水
要睇間公司用咩software，我十幾年前仲有公司用dac easy，之後做過一間公司係有自己嘅software，亦做過用myob，亦做過只用excel。
你冇相關嘅工作經驗，應該難d有2萬以上嘅人工，詳情你可以上各大搵工網站睇下而家嘅人工係幾多。
唔會 你無經驗 起薪好大機會係萬五附近
比你參考下: 我無degree。LCC&I III level distinction。F7, 之後再係hku space讀左個high dip. 做左野2X年, 依家係細公司做Accountant, 兼com sec。人工23K.
請問Com sec d野難嗎？你要唔要計埋稅？
多謝你的分享
我要埋數; 應付auditor。
我現在不用但accountant要識: 開票, bank rec. 呢D基本野。溶資, 調資, 銀行借錢/還錢。人人公司睇背景架構人手都會有唔同。
com sec. 唔難, 都係上文件去公司註冊署, 稅局咁。而且一般公司都會用埋auditor firm的com sec服務, 所以就算唔識都無問題, 就算真係唔識可以打電話問政府; 睇下上手係點做, 多D問下人. 好快就上手. 除左香港公司, 依家大多數公司都會開埋BVI公司, 咁就要做埋economic substance 呢個就煩D, 而且政策一路收緊, 問的資料越來越多, 答好多次都彈返轉頭, 但不用擔心, 全世界(真係全世界) 都係摸住石頭去fulfill 佢地要求, 比D耐心就得。
其實會計唔算高人工。
秘書/私人助理人工會隨住老闆搵得多/升職而增加, 不過就要預左受氣, 工作時間唔定時。人又要好細心, 要預測老闆心意, 睇你自己適唔適合。
Thanks for sharing
你都兼顧幾多野,多唔多要OT?
你都可以試下叫高D人工
認同
秘書/私人助理人工升幅真係比會計好
會計長遠要考牌同有audit經驗，人工先會高