（長文純呻、勿上報）
奶奶巳經八十多九十歲，行動不便但好精靈，有要求唔容易相處。本身佢同老爺住係外國幾十年，佢個仔即係我老公一、兩年先探一次，仲有子女係個邊，不過非親生奶奶唔鐘意佢地。
奶奶一直好想我地返去，講明佢死老公好慘，好想佢個仔返去陪佢 ，但佢應該無諗過如果返去，我地都好慘，為左陪佢放棄哂係呢邊辛苦建立既嘢 （我地無子女，就算返去都唔會返奶奶個城市，因搵唔到工做）
可能知我地唔會返去，最近奶奶決定放棄哂係外國（超好）既醫療和住屋福利，搬返香港住，因為佢覺得係當地無依無靠（佢唔信住係當地既非親生子女，但其實佢地一直都照顧緊奶奶，乜嘢都幫佢搞掂哂）。
奶奶諗得好簡單，覺得返香港租間屋（好彩無話一齊住，因佢知我地間屋得300呎！）同請個工人照顧佢就得，但佢無諗過自己成九十歳，佢個仔都接近退休年齡，邊度有業主肯租屋比佢？ 同佢以前係富貴亞太出身，對工人好有要求，係外國福利好，有識廣東話既看護，但幾個月炒人地換一個！相信佢唔會知道係香港換一個工人既代價係萬幾蚊！
仲有醫療呢！係外國佢有咩頭暈身㷫，即刻入醫院睇到醫生，仲有人幫佢翻譯照顧。香港呢？乜都要排隊，我地仲要請假陪佢排隊睇醫生。
諗起就頭痛
1個讚
佢未出發，但佢之前返過黎香港探路。
佢勁到自己一個落China Town 買機票，然後拎住一個hand carry ，自己一個去機場，唔係咁啱有人打電話搵佢，無人知佢出發返香港。
2個讚
佢勁既地方係無諗住叫我地養佢，佢筆錢如果唔返香港買樓，應該夠用到6-8年
咁佢有錢又諗到方法照顧自己就由得佢啦反正無人阻止到佢
3個讚
我夠，我做得出完全唔理佢！我巳經落左閘，同老公講明佢要行條死路，就自己承受自己既選擇，唔好拖身邊人落水。
我老公其實都好狼心，以住都係2年先見一次，上次返去探佢直情頂佢唔順，粒聲唔出返左香港，奶奶好唔開心，我覺得奶奶係專登返黎搵個仔鬧。
1個讚
佢得過諗咋，咪又係靠身邊既人幫佢實行，佢仲有細佬妹係香港，受過佢恩惠，唔敢違佢主意。
佢呢種人唔試過唔心熄，由得佢到時撞板無癮就會走㗎喇
2個讚
咁都好d
起碼你同你老公同一陣線, 一於唔好理佢
但如果佢自己有錢, 佢要自己番香港住你又阻止唔到
惟有盡量疏遠佢等佢無癮
佢成90歲，冇人會租俾佢架，萬一死左係度業主多謝你
2個讚
Quinn
18
人老左都係希望身邊有人嘅，可以理解。
你講嘅問題，其實都係錢可以解決嘅，同佢講清楚就得。
