阿爸走左得返阿媽一個、間屋同所有開支都係我哋出、年輕時已經又要面脾氣又差、鍾意話事、而家要靠我哋就仲差、同夫家同自己姐弟都鬧翻、朋友唔多、唔知搵咩人幫手傾、想同佢溝通一係黑口黑面一係自怨自艾、最怕女人喊仲要自己阿媽、外面扮到好開明、另一半已經投訴
1個讚
真實經驗，嘈完都唔改嘅，唔會再同佢講嘢。
可以嘅話分開住。
2個讚
睇你想唔想解，想解要多陪佢，佢難聽說話就左耳入右耳出，自己一個上去唔好搵人陪。就算佢口講唔要，都盡量上去坐一陣，陪伴。
如果唔想解，就唔使問落去了。
最多過年返一次
唔理佢係最好解決方法
你講, 佢唔會聽得入耳,
到佢真係知無人理佢,
佢係有心既, 佢就會知自己有幾黑人憎
佢無心既, 佢就係咁樣過一世, 佢自己揀
你幫唔到佢, 一係你幫自己改變心態
1個讚
無得分開、一定要同住、但已經好少溝通、我叫過佢搵社工、我估因為面子、佢係街外人面前好正常、以前另一半都覺得佢無問題、只係做左自己人就完全唔同、經濟同情感都只能倚賴我、擔子真係好重、我而家只能當roommates 、早出晚歸、放假自己出街、佢覺得我哋丟低佢、跟住又會想喊咁樣、諗起都有壓力
佢只係覺得自己好慘、生多個就唔駛靠我、我都想知點改變自己心態、唔理又做唔出
唉, 個個阿媽都覺得自己慘架啦
我唔否認有好多阿媽都為屋企付出
但用一D野去情緒要脅/ 勒索 仔女, 要仔女難受, 大有阿媽在
所以, 佢係得你一個??
我會當佢係一個人, 一個壞左既人 (唔係許生)
mentally 壞左, 唔識分事非對錯
你出街, 咁返黎咪買D野比佢食
返到屋企, 見到咪hi, 佢唔so 你, 咁你當佢心情唔好
佢hi返你, 有傾有講咪傾下, 正常返
如果傾傾下又要求D唔合理既事, 話我有野做, 就行左去
你無可以滿足到一D唔知足既人
又或者咁講
佢無個左老伴, 又無其他人
淨低你, 想你聽晒佢話,
但你唔會100%聽得足, 滿意到佢
佢會嬲, 但其實佢唔知自己想點,
佢要安全感, 你聽晒佢話就有安全感, 但未夠, 你要做D咩令佢滿意, 無人知
佢喊你就由佢喊, 你做到既, 比張紙巾, 拍拍佢膊頭就走開啦
(如果有你力氣, 可以問下佢想點, 不過呢個通常係爆發既時候,
佢會狂講一D你未必想聽, 唔想知, 唔想同佢拗既points, 所以佢一爆, 有排講
有力有氣可以同佢講, 你而家既感受, 叫你去識下人又唔去, 識多D朋友唔好咩, 個類,
等佢既世界唔係淨低你同佢2個人, 困獸鬥咁樣, 互相折磨)
你覺得擔子重係因為你在孚佢,
你唔將佢放到最高, 咁你就輕鬆D
唔一定係比足100分, 咁先係孝順
80分都可以係孝順
有好多人, 50分孝順都無, 無左老伴, 唔好連自己個小朋友都無埋
1個讚
同我媽完全一樣，之前係佢兩老經濟上依靠我，佢哋完全唔夠錢搬走，除咗食飯，基本上我寧願自己喺房，平時亦唔會同佢哋講嘢，hi bye 都好少。
到我另一半要同住，我俾哂警告佢兩老好難頂，之前我老豆仲會同我老公傾計，所以佢覺得無問題。一齊住就嘈到大大鑊，未反面前我同我媽嘈過兩次，我話我已經怕咗你，你繼續係咁，成間屋嘅人都怕咗你，佢唔改，同我老公可以話係反哂面。
依家搬走咗，佢錫兩個孫我先帶佢兩個去搵佢食飯，見面都係無嘢講。
但佢知佢無得怨，亦無得再情緒勒索我，如果唔係我連飯都唔會去食。
1個讚
我嗰時嘅心態係，經濟上令佢哋有屋住、有飯食就盡咗我責任。佢哋兩個依家有病有痛都係自己搞掂，叫我睇醫生我會諗起細個阿媽掛住打麻雀都唔理我病。可能喺好多人眼中我好不孝，但同佢哋感情真係好薄弱。
同婆媳關係一樣，殘忍d講句，一係揀老公，一係揀阿媽，完
該主題在最後一個回覆創建後180天后自動關閉。不再允許新的回覆。