純粹呻吓
原本喺香港都係食飯見面就算
從冇去過夫家住，因為地方細，
我同老公結完婚就已經移咗民。
奶奶為人都幾刻薄，講野勁易得罪人
未結婚已經問過我係咪因為覺得夫家有錢先一齊
又係咁評論我d 屋企人點點點
明明兩家人都係住公屋，有咩好比
個次食完飯我嬲到佢之後個星期生日飯都冇出席
佢先識收聲，仲話我老公成日幫住我
又要成日為錢嘈，嘈到我老公都頂唔順
反而我父母都好開通，對我老公好好。
入正題，我父母早幾個月黎咗玩幾個星期
奶奶知道咗又嘈話要黎，
明明平時電話都冇一個
仲要黎成個月，仲要係咁放風話未必一個月就走
頂，我老公聽到即刻話一個月就算，
我地都要返工，冇咁長時間陪玩
為咗呢樣野同老公講過幾次好擔心
因為奶奶係d 唔識睇人眉頭眼額
冇乜朋友又易得罪人既人。
我真係好擔心自己忍唔住鬧x 佢
但有時又諗佢見個仔都好合理，
希望呢個月快d 過。
都冇嘢啱佢玩，好快就嗌走㗎啦。
你地要返工，佢咪最多係附近行下
去唔得遠都唔會玩好耐，你咪平常心
對佢，真係忍唔到咪爆佢一獲金既和
唔彩佢囉。
其實你有冇得拒絕㗎？
唔夾就係唔夾㗎啦，咁間屋你都有份㗎嘛
一齊住你預咗佢好多嘢睇唔過眼，例如點解要佢個仔幫你洗衫洗碗煮飯抹枱等等
仲有到時佢哋嚟到係咪你服侍佢同姑仔？
你不如叫老公幫佢哋book間 travel lodge / premier inn la…
都係架不過最緊要你老公都知
你奶奶係咩人會幫你。
係咁不如你地約定個手勢表示你就黎要爆啦
咪到時佢傻更更唔知邊d野唔對路 搞到你可能連佢都嬲埋一份
多謝你建議，呢個都係好方法 
我明，我6299嚟緊過嚟一個半月，我唔洗返工，我老公要返工，都唔知點頂，佢哋一向仲要係好倚賴乜都要人陪，要人計劃晒嘢俾佢哋嘅人，特別係99乜都好小氣又敏感
做番自己，正常番放工平平淡淡咁可以嗎？
放工你都要同同事social happy hour，唔得閒招呼煮飯，食pizza 算。
佢地覺得悶同招呼不周，下次自然會搵其他地方去。
張機票係open ticket?
有冇時限？
如果叫你做嘢plan嘢，
可以話我都未做過，不如你試完話我知點做/情況係點？
（俾我就點都唔會幫佢搵團，貴又肉赤，平又多嘢講，吃力不討好）
omg 你都係喺外地住？ 我地要keep 住contact lol
但係以前唔係一齊住佢見唔到
一齊住佢見到，兩條友就會講啲說話單單打打
“點解兩個人一齊住，個女人唔使幫輕下個老公嘅？乜而家啲女人咁㗎？”
你有冇得同你老公deal 左先，如果佢哋無啦啦發癲講嘢好難聽或者攻擊你，佢就俾錢你住酒店，或者佢就俾錢佢哋住酒店？
你叫佢過定數俾你先，如果一個月平安無事推翻俾佢
男人嘅嘢，有責任先有義務保護你
至於你話你父母嚟咗公平嗰樣嘢，咁其實佢都知你父母好錫佢，但佢阿媽唔係咁對你嘛
你keep住上嚟耐唔耐update情況丫，俾定個心理準備我之後都要面對
我最擔心係衛生問題
呢樣野真係會令我爆炸
之後就係溝通
希望捱得過
你本身要返工都好好多架喇！放工約朋友去街囉！
你99而家係去自己個仔屋企，講真輪唔到你爆佢，你可以做嘅係，交返晒所有野比你老公處理。帶99去邊度玩、去邊度買嘢、去咩旅遊…全部比晒老公搞，99投訴英國乜乜乜，全部等老公回應！
調整心態都好重要！你回想下，你父母來訪時，你老公點對待佢地兩老？有無禮貌？有無帶佢地去邊？你做得到相應嘅行動就100分喇！
我99趁啲孫放暑假都要過嚟住兩個月啊！我原先都好崩潰架，不過後來諗通左！不如通氣啲，唔好同佢搶孫，我安排咗一個長trip比自己放鬆下
！呢啲待遇，如果我奶奶唔嚟幫手睇細路，我就冇㗎啦，所以我將會當佢女王咁拜年年都肯過嚟就最好啦！
我意思係佢個仔幫佢做家務天經地義
佢見到個仔幫你做家務就會唔捨得，覺得你蝦佢
你最好有心理準備點應對
咁當然啦，唔係叫你真係走，意思係你同你老公講定後果
針唔吉到肉唔知痛，佢起碼知你頂唔順係會用佢錢租酒店，而唔會死忍，咁佢就會更加正視風險同問題，唔會比最 worse 發生，錢又無老婆又無。
你唔一早 set 定 expectation and consequences ，到時出問題大家先嘈就無意思。喊都無用因為你係一對三。
你唔洗陪99？
佢應該唔使我陪架喎，黎見仔見孫，都唔係見我。
同埋佢留成兩個月，我點都有唔少時間同佢見到面嘅！帶佢周圍玩我就唔會喇。
Me time 又有人幫手睇仔 你好勁！
你講得幾好！ 我同我老公傾下 
自怨自艾無用家嘛！我唔想比老公覺得我唔歡迎佢媽媽，問心，我自己家人黎時，我老公都盡力接待，起碼都要回報返。
當我自己放輕鬆左心情，先至清醒，諗到可以將壞事變成美事，就係比啲me time我自己。
同埋先至諗到，老人家坐咁耐飛機真係唔係輕鬆架，只要我自己諗通、開心，相信大家都會開心！