我同我老公識左十幾年，識佢既時間佢已經出名頹，連岩岩拍拖，佢都可以著得勁hea、約左我但係起唔到身所以取消約會等等既on9野…
我本身自我認為我係一個好樂觀既人，但唔知點解，都會同佢一齊咁耐…
我地溝通過好多次，我放慢我既腳步，我亦見到佢慢慢為左我改變自己，過程有好多開心唔開心既事，一齊進步，笑過喊過，鬧過交，幸福過。我亦嘗試搵位建立佢對自己既自信，希望佢得到自信，做野就可以積極D，多D笑容，唔好成日唉聲嘆氣。雖然我好清楚佢係負，但係佢肯為我做好多野，最後我地都結左婚，生左個仔，而家陀緊第二胎。
我為左同佢減少衝突，其實我對佢要求少左，即係某程度上減低我自己對佢既期望，係有些改善。
不過最近，我仍然覺得同佢好似兩個世界既人，完全無辦法溝通。會因為一D小事鬧大交。。。。
最主要令我好辛苦既係…佢做錯事或做得唔好，佢應該好驚我um佢或是怪責佢，佢潛意識個defense system會有false memory，講D無發生過既事，或者明明發生左但佢話無。例如佢講完一D野，我覺得佢唔make sense，佢就會話「我唔係咁既意思」或者「我無講過」，已經發生過好多次，我有次嬲嬲地開返屋企個cam俾佢睇，佢真係有講過，佢死死地氣無聲出。我覺得佢好似因為我會追問佢一D野，佢抗壓唔到，令到自己個腦奇怪地function，成日都係咁。變相佢自己又覺得委屈，其實我都覺得好委屈，明明係你自己咁答，令到我嬲，跟住又話無，係咪即係我思覺失調，次次都係咁玩，我點可以理性同佢溝通?
當鬧交既時候，我就會諗到佢好多未能夠滿足我既野。例如係生活無乜驚喜。其實我無要求過佢買咩俾我，但係佢偏偏因為咁而唔會主動製造浪漫，因為佢好驚錯，驚花錢而我唔鍾意造成浪費。我就調返轉，我留意到佢鍾意既野，或是佢既需要，想買野俾佢就即刻行動，買銀包，買電話買遊戲機俾佢。我唔係要錢，我係想佢表達心意。
驚喜都只係其次，溝通唔到先係大問題，佢尋晚問大聲喊住講左句「點解你要咁迫我」，我聽到呢句我心都酸埋，我一路都知我同佢一快一慢，而且我表達能力好過佢…其實佢同我溝通好有壓力，但係聽到佢講得出呢句，我就覺得…十幾年啦…其實大家為對方改左咁耐，改到幾多，已經好清楚，真係會改得哂咩?
我真心講左句，不如諗下大家係咪應該分開，唔好再迫自己就對方，唔係邊個錯既問題，係性格唔同，或者大家遇上另一個人，其實可以過得好輕鬆…
我而家打算只同佢合作處理個仔既事務，其他個人事務全部自己做返，以免有機會又有衝突。到個仔大多幾年，maybe小學，如果都係解決唔到問題，可能再諗下係咪真係分開…
求理性討論…
其實唔應該期望一個人改變，就算係有咁既期望都只可以係不求回報地默默等待。亦都唔好將自己既性格／做事方法／標準套落別人身上，尊重對方就係同自己個腦不同，如果唔係辛苦既只係自己，改變自己想法易過改變別人。
我老公都係一個懶懶閒既人，我又係快手快腳好有效率既人。
二來見你老公既反應，佢反射反應已經係驚左你先。呢方面就要反省下你地平時既溝通方法同語氣。
有緣份做到夫妻仲有２個小朋友，諗辦法解決好過鑽入掘頭路
14個讚
我都有諗過係咪因為陀緊b亂諗嘢，但係再諗下⋯呢個問題唔係陀仔先發生
我同意你既分析，正正因為我都反省過係咪我既問題，但我好多時正面鼓勵佢，佢⋯點講好呢，我唔可以話佢無進步，但我感覺上係我行十步，佢先行一步，我覺得唔成正比，其實不斷咁追大家都會辛苦。
我知感情係無得比較同計算，所以我而家再諗，我只可以接受佢既不同，但我偏偏覺得好難頂，最後我就變左覺得唔係邊個錯，係我地真係夾唔到⋯或者我攰到想放棄
有d野我真係會覺得好小事，但係就係偏偏咁小事，我就會覺得點解佢會做唔到，跟住我就會好想問佢點解會咁，每一次都係佢答得好奇怪，最後鬧交
就好似前日叫佢熄飯廳燈，我明知佢會唔知邊個燈制打邊個燈制，我清楚地同佢講右邊第二盞燈，但係唔知點解佢會啪左左邊第三個制
好無聊既事，但太多
我都承認我以前對佢嘅語氣會比較強硬，但係我已經改咗好多，由一野發忟，變咗會提示或者平靜地問多佢幾次，但係佢個回應都係有問題說服唔到我，跟住我就會覺得，我已經俾咗咁多次機會，但係你都get唔到
另外我無要求佢即刻完成，都有to do list同絕對合理嘅時間，問過佢，有共識，先俾佢做，但係總係會有問題
仲有既係，平日好地地，佢都會放負，黑面，嘆氣，真係好影響身邊人心情，關心佢佢又話無野
真心不可要求佢同我一樣思路，但我亦接受唔到佢呢個思維，我難道要減少同佢互動，盡量唔好理對方先可以解決？
我見你最後嗰part話「如果都係解決唔到問題」，其實上面講嘅有邊樣係你想要解決嘅問題呢？
我唔係處女座但性格勁似處女座，一開始真係睇我老公非常之唔順眼，但同時我知道自己係要求高同多嘅。我同我老公有一段時間相處得好唔順，類似你哋咁會為啲講過嘅嘢拗，後來我用第二個角度去面對呢啲爭拗，因為我唔想再拗落去了，如果對方好堅持，我會信佢，但我都希望佢聽一聽而家嘅我又係咩睇法呢？我有咩需要呢？會唔會大家攞到個平衡大家都開心呢？大概嗰時開始，對與錯唔再係我哋討論嘅重點，邊個開始都好，有心想啲事得到解決，另一個會睇到的，順利嘅話慢慢兩個都會改變，向好嗰方面發展。
你叫佢熄燈呢類事件，我自己覺得真係唔值得為呢啲去炆憎，仲要係十秒內佢點都會搵返啱個燈掣，咁何必要再花時間去將呢件事發酵呢？有啲人真係天生比較論盡，如果佢唔係一個好嘅執行者，我會選擇自己做返，有時做完再撒吓嬌，「老公你係咪想乜乜乜先？我已經幫你處理好
婚姻輔導都可以試試，好彩遇到好嘅輔導員，真係可以解開心結
5個讚
其實保持一個大家舒服既距離都可能係其中一個解決辦法。
我以前都會較control freak/ 對方做唔到我要求就覺得佢好蠢。但其實佢懶洋洋傻更更都生存到幾廿年佢有佢既生存方式，我後來就愈黎愈學識尊重伴侶與自己不同。佢想點就點，as long as 佢有賺錢有湊仔，其他I dont care事旦由佢。呢個世界冇期望就冇失望，咁樣看得愈開反而活得舒服，關係仲好左。
婚輔會有幫助既，有人引導下大家講返大家心目中既想法出黎。但唔好期望會改變到d咩，只係有個場合心平氣和講下d心聲出黎。最重要都係雙方互相理解完，再磨合同包容，兩個都仲有心為家庭行落去。
3個讚
既然都你地都講到咁白，如果大家仲有愛，不如俾多個機會大家，一齊去見下婚姻輔導？
又或者你依加陀緊第二胎，返健康院時可以同姑娘講返自己因為依個問題影響你情緒，睇下有冇咩服務可以轉介給你。
1個讚
婚姻最錯係要求/期望對方改變。其實對咩人都唔應該有咁既要求
3個讚
直接要求對方讚賞呢個位我又係有d click，唔知點解我好想佢主動欣賞我，如果我自己提出，我有個感覺覺得佢唔係出自真心
1個讚
其實嬲人忟人，最蝕抵果個人自己。就算你幾嬲幾忟，對方又唔會變，世界都係照樣轉，但自己就好執著好唔開心。
5個讚
mamamak:
我都明，但實際要做到咁豁達，仲需要d時間同時機
改變左自己想法先、可以看多點書、真的有用。我以前對住個老公都好以嬲, 而家簡直升仙, 但老公而家反而變好左細心左
2個讚
如果你講到佢一開始個人已經係好負面，真係好難要佢突然變成個好正面好識主動讚人嘅人㗎，呢點真係要自己試吓適應
2個讚
mamamak:
我就係想搵方法令自己睇開d
佢最大優點係乜？你當初愛佢啲乜？諗多少少，放大多啲
2個讚
完全接收唔到訊息
」當然你火遮眼好難仲要咁樣做，我想講嘅係，唔同處理方法，可以有完全唔同嘅結果，而面對唔主動又唔正面嘅老公，直接開口要求佢讚賞都未嘗不可
我好煩，我應該點睇呢件事好
