請問培基多唔多人退學？
我細仔今年升中2，培基出黎 （sorry 我已經唔記得年份+數口又差）
原本已經唔多人，小5時30人左右，小6果時時得返18個
以我大仔果時我有留意由小4開始已經大久不久有人退學因為移民或轉去開外升學。。。但為數不算多
自從香港開始變，培基退學移民既人數都就好明顯
但我覺得間間學校都一樣
不都過左幾年，移民潮都開始慢落黎。但我覺得如果小朋友係有能力既，值得試試插班培基
你意思小五小六人數係全級，唔係全班？
唔好意思，我想問英文教快半年，小一學到二上，咁小二就學到三上？定累積到已經三下？咁去到小六咪已經有中學程度
我講既係我仔果一班~
升小6果年, 佢果班只有18人.
培基既小朋友, 英文水平係高, 真心高.
就算我2個仔, 只係中游甚至中下游既小朋友, 佢地升中參加面試全英文都無問題, 英文真係培基生既強項.
佢地小6英文應該係比較接近中1既水平, 響精英班既, 大部份都有 “特異功能”, 佢地英文更加流利都不得了. BTW, 培基有一科science, 大部份小學都無~ 一樣英文教, 我2個仔話同小學學既無分別基本上去到中學, 都係學返P4至P4 學到既野, 感覺易handle.
但我唔明點解培基可以做到咁既成績, 因為呢間學校我覺得係HEA~ 真心HEA~ 默書少, 2測2考 (分就只計考試)
唔排除係家長花好多時間金錢比佢地補習學野. 我呢D懶人家長, 真係無咁既錢同時間, 所以… 都唔排除因為咁, 我2個仔只係屬中游/中下游既小朋友
我大仔入到B2A 既中學, 中一時佢考入精英班, 佢當時已經講, 佢同班同學D 英文好屎
2仔只入到B2C既中學, 同樣考入精英班, 佢響培基英文水平係一般, 但響中學應付自如.
兩個小朋友響中學都有好成績, 我深信的確小學根基打得好救左佢地一命.
1個讚
多謝你解釋得好詳細
其實沙田培基小學出名係“課堂教60分，考試難度100分，40分靠家長補習”。
如果唔係有一個全職家長support，小朋友入去多數變隱形人。
1個讚
我2個小朋友應該係你形容果類隱形人
但又咁講，懶如我呢d家長，只要放得低band 1既魔咒，其實培基既小朋友升中，條路唔算太難
1個讚