琴日流好多血去威爾斯急症室，醫生照完話只能繼續觀察
但畀定個樽仔我，話如果排出組織就拎返去化驗
另外幫我約左星期五見早孕婦科
琴晚肚疼排出半個掌心大的組織
啱先老公拎返去威爾斯
但d姑娘唔肯收，話行政問題一定要病人親身去排急症重新見醫生
大家知唔知其實會化驗D咩？定只係睇下組織是否完整？
應該雪住佢到星期五等複診？複診都係照下是否排清？
立即去急症室睇下排清未，要做檢查，及防止出血異常。
1個讚
咪講左要咁做囉，點會諗雪住等星期五？
1個讚
Sorry for ur lost
好好休息
好似係驗下個胎有冇咩容易揾到既問題，例如葡萄胎
如果肚好痛或者流好多血就一定要返急症室呢
因為琴晚個急症醫生都話自己唔係專科，對d sac size個d都唔係好清楚
如果目前無咩危急情況，急症似乎都無咩做到，但又要等幾個鐘
如果公立拎個組織只睇是否完整，咁好似直接搵婦科照下排清未安樂d
唔知公立的化驗係咪會驗埋染色體個d？流產組織其實有咩化驗要做？
唔好自己評估，揾醫生check，自己身體緊要，你仲要準備再懷孕㗎，我以前8 weeks都要刮宮。
1個讚
唔好估估吓，亦都唔好因為要去急症等幾個鐘就卻步
無嘢重要過妳自己身體
加上我覺得衞生問題，唔應該放喺自己個雪櫃雪住
除非妳有額外一個雪櫃唔係食雪食物、飲品…完全無用過無污染過
加上就咁雪住，會否對個組織有咩影響？真係唔知
3個讚
染色體要13週後先至免費收做research驗，之前d週數要收$4200（4個月前PWH流產的資訊）
其實急症室有處理唔到既急野應該會call專科的，當然私家照服務更好，或者早孕期到星期五應該都會幫你照。或者有冇得淨係交低個樽去專科的？
流產身體虛弱，好好休息啊，心情ok嗎？
1個讚
我嗰時6w幾屋企流產，拎埋組織去急症，因流好多血、血壓19x(可能太緊張)，即刻有醫生檢查再轉上產科，袋組織交比產科，事後醫生話確定組織係胎囊，應該排清，唔使塞藥，無話再驗組織嘅其他嘢。
你好好休息，坐小月。
4個讚
如果真係諗住等早孕期覆診，可以考慮定如果未清諗住塞藥定吸宮手術，手術的話有機會係要當緊急手術咁24小時留係醫院排隊
應該係驚你大出血，我覺得穩陣返急症，始終無人知你依刻排清未，可能都突然會有出血情況，通常急症應該會知點做，有需要會安排你上婦科。
anyway，希望你好好休養，身體快點復元。
其實樓主都應該入急症睇睇，唔使等星期五睇早孕婦科。
提提你，公院話排清，你最好都去私家照一照，確保排清晒組織
祝福你
醫生應該有講如果有大出血先要去急症，組織可以星期五先拎返去，放喺蛋格位雪住先，驗組織主要係睇係唔係葡萄胎，如果有3次流產經驗先會安排去驗染色體
利申：5次經驗乜情況都遇過哂
2個讚
或者係你以為要等幾個鐘啫
出晒血嘅 case 其實會即時處理
我都試過兩個幾月肚痛冇咗
嗰時本身喺 QE 急症等咗一陣
突然啲血把把聲咁流我跪低咗
即刻有人埋嚟我話下面流晒血
然後即時上床初步檢查再住院
有啲人可以食藥清有啲人要刮宮
小心處理唔好拖，搞壞身子麻煩
私家嘅你都要去醫院，唔係診所
畢竟情況比簡單嘅檢查複雜
嗰時冇咗前個零禮拜去睇名醫
因為照唔到心跳佢都有提醒過我
一有啲咩事係要直接入醫院
update返，琴日直接去左私家專科照
確認排清，子宮內膜厚度都正常
bb細週數自己走，無殘留，算係不幸中之大幸
保險起見，等多兩星期後驗多次孕，negative確認hcg都無曬就ok
5個讚