本身有小朋友，佢哋適應冇問題，我自己就向好個方面睇，因為我知道自己係漁村一定更辛苦，反而係另一半，唔開心，又未搵到工，唔知點開解佢
1個讚
嚟咗幾耐？
係生活方式著手？
例如對方佈置/維修家居叻，又或者技能解鎖左，就多啲讚賞？
同埋有時去圍爐識新朋友都有用，
可能都有人係差唔多處境，佢內心感受會好啲。
1個讚
嚟咗一年左右
都有做
主要原因係期望值，比如去銀行，個staff答唔到問題，要走去問其他人，佢就覺得係香港嘅staff會識好多嘢，會即刻答到我
英國實在好多嘢不及香港，因為香港係國際城市，又細又方便，好多standard 係以全球嚟睇，英國除咗倫敦，根本拍唔上香港
但英國都有無限嘢比香港好
心態調適好重要
12個讚
Oicic，咁調整期望？
去銀行已經預半日，
做嘢錯係正常，全對係好彩等等。
我成日都同隊友呻呢度有咩唔好，
但之後就會補番薯感恩嘅地方，
然後話因為呢啲優點（豉油、環境等），
再辛苦我都會努力。
加上鄉港大家都知咩環境，
佢都開始同意只可以向前望。
2個讚
完全同意！
我都成日提醒自己，呢度係當地人覺得嘅大城市，但唔係紐倫港，唔可以太高要求。
1個讚
同意呀，我覺得只可以向前望，英國唔好嘅地方大家都經歷過，咪降低自己期望，再怨再比較都改變唔到，但佢好似放唔低咁，不過我會用呢句提下佢
如果嚟左一年多啲，
可以調整下心態搵退而求其次嘅工嗎？
搵到第一份工，有local referee and experience 會唔會易啲搵下一份？
又或者做義工識下人同打發時間？
有啲世藝，日子易過啲？
1個讚
就算倫敦，tube都可以隨時service disruption，中途改站，呢啲係漁港以前好少發生
但係環境、文化同人都比漁村好
所以調整心態好緊要，要諗計調整下佢
我同隊友講，
攞到passport 後，如果真係唔適應就去新加坡。
到時有香港同外地經驗，
加上如果生活左五六年，英文應該進步左，
新加坡祟洋，應該都有機會。
呢一刻大家都唔知幾年後會唔會適應到，
但肯定嘅係，佢感覺良好左，覺得有後路。
3個讚
我最近都咁同佢講，搵份工，未必係以前嗰行，但係見下人，練好英文，準備好先做返本行，反而信心大啲，壓力細啲
3個讚
做義工，會比較易搵到工，又可以認識多d本地人。
博物館、藝術館、charity shop成日都招義工。
揀工做？財政壓力？
主要係未搵到工，但冇太大財政壓力
搵工始終倫敦多機會
試吓in 吓，考慮吓搬屋
答唔到算好，老點你重煩
我已經接受左，無謂諗返係香港銀行啲 staffs 係點
始終唔係香港 都無得比較
但我相信點都會有啲野係好過香港
1個讚
你老公係香港打份工係高職高薪？
我覺得大家要傾下，你接唔接受到另一半返番香港搵工?
我老公有朋友全家返加，最近見個男人聚餐先知佢己經返番香港搵工做。