派到甲乙一，全家開心。雖有兩間私小backup 都唔會交大訂了。今年同區中第一真係比以往高。
4個讚
路過，恭喜恭喜 
恭喜
恭喜恭喜恭喜恭喜恭喜
congratulation
朋友中寶聖華、努力叩門中
我哋都中咗第一志願，同學都多咗人中頭三
2個讚
不如分享填表，希望下年家長有用。
今年91網冇借位，相信係夠學位，我最初填表都傾向保守，打算乙3填一間寶校，但之後同老師傾，佢有一句說話幾啱聽，反正都會落寶就唔好浪費乙1-3嘅位，照填熱門小學，唔中都可以表現誠意去叩門，所以最後我乙4先填一間寶校做保險線。
最後我係填甲1乙1沙呂，甲2乙2蕭少，甲3冇填，乙3一胡，幸運地中沙呂。
今年同班同學8個人中有5個中第一，2個中第二，1個中乙3。唔知係唔係太多人填表傾向保守，乙2/3已經填寶校，所以推高咗頭三志願百分比，但其實中乙2/3都仲會去叩門。
另外，今年朱小/梁小放乙2都有人中。
大抽獎真係一個運氣嘅遊戲，如果覺得小朋友有運不妨進取地填表。分享完。
大抽奬講運，就算好似賭馬刨到隻隻馬幾熟點樣配位，只要個冧巴唔靚就唔洗講。
只能講樓主可能個冧巴前中。
乙二咁快填寶…玩自己咩
我朋友中91 寶、排尾尾的、現在四出叩門。今年慘在cut叩門位, 佢連九龍都去叩
多謝。我哋甲一只填一間。乙一為同一間，乙二、三都係區內一線。這樣抽不到一，就應該派寶。不過有兩間私小backup。
派得唔好最後都係落寶校，但好彩嘅話都可以派得好㗎嗎，點解填寶落乙二斷自己後路
1個讚
我上年睇過下啲post，唔知點解好多人都乙2/3填就係寶，可能大家都怕派得差，所以傾向保守…
今年cut 叩門真係好難叩，好辛苦⋯⋯
係，所以頭三志願一定要揀自己鍾意嘅，冇人知其他人點填表，大家都係博下
我個區，四間大熱，有兩間保險線小學。
多數乙二會選多學位而又唔太差嘅小學做安全線用來止蝕。
不過，冧巴唔靚乙二有幾多位都會跌到落乙尾中寶校 
恭喜恭喜!
呢一區天地網真心難玩，根本大部分學校乙二都入唔到，所以先會有自選一寶放乙三呢個傾向。
1個讚
今年朱小、梁小同沙崇填乙二都有人入，年年都唔同，不過唔建議乙三放寳。
Yes, 沙田區三個小學校網，91最難玩，88最平均，89係中間。