醫生叫我食好睡好多運動, 連supplemetns都冇食
你喺香港做嗎？
我會相信科學! 中藥都係半信半疑，不過最緊要係outcome好就得。
分享少少
我大約三四年前(當時35歲左右）開始喺QMH 做treatment, 之前已經睇左中醫調理左好幾年，由極M痛調理到冇乜痛。 初頭食住中藥做IUI, 第一個cycle 到放精嗰日，照超聲波發現谷咗好多卵，搞到醫院唔俾放精，要放棄嗰個cycle（怕有機會出多胞胎）。 我心諗係唔係中藥會搞到谷卵呢？ 問過中醫，佢又話唔會。
Anyway 之後都冇再睇中醫啦（因為冇時間，又唔覺特別有效）。再做三次IUI 都冇再谷太多卵。
做三次IUI fail , 轉做ivf 。 繼續唔睇中醫，卵數目都正正常常。 到第二個cycle就成功啦 。 期間剩係食folic acid。
Fail 第一個cycle ivf 之後有個department head 嚟睇我，佢話IVF 最大嘅成功因素就係年紀 (我諗佢當然係指排除structure有問題嗰啲啦）其他所有因素都冇明顯關連。 因為做IVF 過程太痛苦，令我懷疑人生，嗰陣我成日反思點解要為咗生仔咁痛苦。 所以當時打定輸數，以半放棄心態輕鬆做第二次IVF, 心諗再fail就唔做啦. 幸運地嗰一次就得咗。 而家Baby已經兩歲啦。
純粹少少分享。如果醫院唔俾你食中藥，就隨遇而安啦，食左未必差，但都未必好。
2個讚
另外，見你話M 量少。子宮內膜簿。 我都係呀。到成功IVF 嗰陣都係M 量少，頭兩日M 可以全日唔換M巾咁少。 不過 IVF 放胎嗰日要照ultrasound, 係照到子宮內膜正常先會放胎。我諗就係d 西藥可以調節到呢個狀態。 如果同時食中藥，咪搞到西藥好難準確。內膜太厚都唔得嘛
多謝你嘅分享，聽落你情況同我有d似，聽完我個心定d… 始終第一次做真係有好多疑慮… 我應該8月去台灣做IVF, 而家仲有一個月時間都唔會再食中藥，最多係去針灸吓…
我睇完仁安後係搞到我好擔心自己抽卵量少同質素唔好，所以先又想睇中醫又搵唔同supplements嚟食… 本身係有食緊嗰d綜合產前supplements, folic acid同vitamins乜都有d… 上個月停左中藥後，開始食埋dhea, Q10嗰d，但今個cycle遲左2日未嚟(已驗過冇懷孕), 而家擔心唔知係咪因為食左dhea(上網睇到有d人食dhea會影響排卵同經期)…
我今日開始都會停埋d額外嘅supplements, 我諗都係唔好搞咁多嘢好d喇… 而家cycle亂咗唔知幾時嚟M, 影響埋我8月去台灣做IVF嘅安排(本身已買左機票係cycle第2日初診想即刻開針藥)…
其實之前仁安都有同我講，IVF時開的針藥係會解決到子宮內膜薄嘅問題，即係都會用西藥去刺激令到內膜厚d去幫助著床… 不過係我自己覺得如果自己食埋中藥/supplements打好d個底就點好d… 但而家我都係唔搞咁多嘢喇，好似做多錯多咁hahaha… 都係放鬆心情隨遇而安喇~
內膜薄真係好難攪, 有咩supplements可以幫內膜厚D?
聽呢度嘅jm推薦，我買咗<<養卵精經>>嚟睇，裡面有講內膜薄可以食Vitamin E, 每日200IU (但有d說法係話針對助孕可以食更高劑量，有d話食到800IU… 但呢本書有提到過量都唔好，話200都夠), 同埋話針灸會有幫助，因為可以促進子宮血流，我而家都剛開始去做針灸，中醫話做7至10次為一個療程，如果你都係將會做IVF, 可以考慮起碼前一兩個月開始去做針灸。
我之前喺網上爬文睇到話食精胺酸有助子宮內膜增厚，因為都係促進血流，我食咗半個月先睇到呢本書話精胺酸有可能令卵子質素下降，所以我即刻停咗… 但佢有講話如果做IVF可以放完胎先食精胺酸，有利著床，但我諗做IVF嘅話，開始咗療程就唔好再自己亂食supplements, 因為醫生本身都會開各種藥物。
原來精胺酸會影響卵子質素!! @@
我都唔食住啦
1個讚
如果要做ivf會食好多藥、打針
針同藥都係賀爾蒙成分
自己再食中藥會影響吸收
所以要停中藥
但醫生建議既supplements可以食(懷孕相關)
千奇唔好亂食阿
1個讚