之前換宜家果層已經甩番
過多幾年應該有錢喇, 佢人工跳得都幾快下真係, 但可能想住貝沙灣, 唔係地鐵上蓋, 又可以再煩過
各位師兄師姐依邊差唔多1點…多謝你地陪伴同睇長文 
試下去訓先
聽日打埋之前D經歷出黎
7個讚
好~早抖喇
認同。
如果呢樣野運用得好, 會係動力, 例如因為想換好啲既樓, 轉工, 搏升職, 攪生意…
但唔係樓主老婆咁, 只係怨另一半提供唔到比佢。
而且樓主話佢老婆係 draw 埋男女家借錢去買, 買完樓 $1 都無剩, 實在太危險。感覺佢老婆係做緊啲能力以外既事, 仲要求樓主一齊瞓身 
2個讚
你阿嫂可以有持無恐
都係你阿哥問題
有乜可能屋企人食餐飯咁多嗲
睇醫生又話要睇單
兩公婆會唔知對方性格咩
根本就係佢都認同佢默許
5個讚
我睇曬所有留言，只可以講……你愛你老婆，多過佢愛你！
其實佢好介意年齡差同搵錢能力有差別。講真，矛盾只會越來越深！一定要有一方放下所有，遷就對方，大家才可以走下去！而呢一個一定係你！你問問自己是否可以為了她，放低自己，無止境一直遷就她落去？
如果可以，我就祝福你們幸福快樂！
如果你這一刻有猶豫，勸你回頭是岸！要明白放過你是放過自己這個道理！！！
4個讚
簡單講，2公婆要互相尊重，有無先
老婆要搵人同佢完成份人生checklist. 但呢份checklist 其實由不同積木砌成，例如老公積木，結婚積木，工作收入積木，買樓、生b 等積木就on top。
佢結婚同工作收入都secure 左了，老公就唔太可靠，最後買樓買得一半，生仔就得個諗字。佢覺得係老公呢塊積木出錯攪到佢人生拼圖拼不成，當然找你晦氣啦。
用咁既角度，就解釋到點解睇錢咁著緊（成個foundation），同埋生仔咁猶豫。佢唔係唔生，係覺得無信心成就呢件事，即係覺得樓主唔可靠啊。
亦解得通點解唔移民，一移民就無呢支歌仔唱，移民從來唔係checklist 上，可無視。
所以，樓主你要留人，就要同佢玩呢個搭（港女）積木遊戲，如果你做到神隊友幫佢成就呢件事，佢就會聽你話，你接唔接受呢個挑戰？
我都幾肯定，當生仔blocks fulfill 完，就係港媽名牌，high tea, 入名校，教育基金，外國讀書個ja野再堆上去的。你要satisfy 左佢，佢心入面先有你架。
16個讚
聽到都攰 
4個讚
你哥冇出聲？
真！我弟婦都差唔多。兩公婆同小朋友住晌我爸媽間屋成十幾年（我爸媽唔晌香港住），一個仙家用都無比過，但就有家用比娘家。
1個讚
將來屋企簡直唔會有樓主嘅地位。真係唔可以咩都Say Yes…
既然個老婆咁唔理樓主意見，佢要買大屋就由佢買，但樓主真係要表達自己俾唔到咁多錢，計過條數扣除開支，若果要供新樓，最多只俾到幾多幾多
不過我預見到，到時樓主老婆搞唔掂，就算之前點講清楚，錯都錯在個老公度。
因為之前個老婆講嘅嘢都可以反口唔認數
1個讚
無用架~就算佢上唔到會, 都要格硬上
佢宜家係要樓主快d 死番香港搵工
等佢可以用樓主份入息擔保自己借錢買樓
4個讚
價值觀差咁遠又互相麻怨，點解仲要免強一齊?
你話唔考慮離婚，字裡間睇唔到你有咩欣賞你老婆。咁你又愛佢D咩?
PS: 你地真係唔好生小朋友，唔好害小朋友!
工具人。。。
2個讚
我哥以前唔係咁
其實我爸爸未過身之前，都講過若果佢過咗身，頭家回散。估唔到真係。
上面網友有提過，其實我哥做成。我哋幾兄弟姊妹都認同係咁。就係明知個老婆咁對屋企人，都唔出聲。
另外，細嫂日日係咁鬧工人，返工前又鬧，放工又係咁鬧，屋企嘢買貴1元又鬧，最近鬧走埋個工人
去到最後，我哥係有份要求屋企開支，若果要拎錢，我哋屋企人係要俾單。
拜山開支就係我哥有份要求了。到我真係俾單，又發癲咁罵我
其實我唔明, 你地俾家用你媽又關阿哥阿嫂咩事? 點解會變左阿嫂揸數? 食個lunch都要問阿嫂claim錢?
你地好大家族, 好似D大家族要有當家?
又係佢話要俾單，俾左又罵咩？
你最尾果句一流、兩個都為頭家就好啲、下下你既我既太計較好難過日子、未夾到千祈唔好生仔
同埋食軟飯呢d字真係好難聽、仲同外母講、佢真係34歲？
1個讚
冇錯，人生好攰，搞咁多checklist俾自己做乜q
1個讚
換個角度睇，頭家唔係散，係兄弟大左就係另一個家，而你係唔屬於人地個家，你係只屬於你父母個家
1個讚
中間有啲意外就已經行唔通，攞苦黎辛。
樓主個case，如果生個小朋友係sen（現今好普遍）就真係會世界末日。
1個讚