上年年尾曾經一度想移民加拿大，後來因為老公唔想，所以放棄咗個諗法，覺得自己都做到港豬。
都因為咁，好快我就離開咗一間好stable嘅公司，去咗間中資公司做。
睇到依到大家可能鬧我做乜做中資，但老實講如果我唔係入咗去做，都唔會重新燃起移民嘅念頭。
長話短說，簡單講就係好似見到未來香港，加上本身係做金融，都透過公司做緊嘅生意睇到有唔少經濟問題。
最近睇咗好多移民post，好多YouTuber講解，但都係揸唔到主意去邊？
自己帶住3隻貓貓，大部分資產價值係層樓到，要走就要賣樓，計過下成功賣出唔蝕都夠錢俾我去新地方買樓，咁問題就係生活上，所以想問下大家意見。 
英國就可以做返本行機會大啲，近歐洲旅行方便啲，住遠少少4,500萬都應該買到細house，Annual leave+public holidays比較多，多朋友係個邊；缺點就係物價都高，電費煤氣又一筆錢，天氣唔係咁好，Income Tax 高。
加拿大就交通冇英國咁方便，溫哥華多倫多附近啲樓都幾貴，比較少朋友係個邊，返工冇乜可能做本行加假期少，但就會少啲歧視。
我自己係冇小朋友的，廿尾，仲諗緊生唔生，好多人話生就過英國，但因為我都未決定到 
唔知大家有咩意見？
睇到個topic仲以為自己出post. 我都煩惱緊這兩個地方. 不過考慮同你唔同.
點解呢？我朋友讀書移民過去，嚟緊生bb 一出世就有加籍。
我地選擇加拿大calgary。
我好怕潮濕成日落雨，同埋我覺得英國有d亂，加拿大比較安全，冇歧視。
溫哥華多倫多樓價係好貴
係啊，落地生bb就直接加藉
見好多人都煩惱依個問題。有小朋友多數直接英國。
雖然好多人話可以去加拿大試下先，唔得咪BNO再走，但喺移民都係一個大動作，唔係咁易 
我都見英國係比較亂，加上好似下年年尾大選，唔知到時會點。
但Calgary 冬天好似好凍 
我本身都有考慮過
係啊Calgary冬天可以係-40度。我地年尾先飛過去。啱啱老公過咗去收屋，佢話好鍾意calgary，天氣／人／環境都好好。佢話當地白人都好nice
因為有小朋友，除左教育，我都會著重安全
用bno 英國係容易過移加
但長遠來睇，我會覺得加比較好
**個人感覺個人選擇咋
我鍾意加拿大人，但加拿大已經被政治滲透到變Chinada好難頂，講對抗強國一定係英國
1個讚
其實係某幾區多華人only. 同埋原來佢地好多係家長過去陪讀, 小朋友俾國際生學費, 唔係移民.
唔係多華人咁簡單，係個政府被嚴重滲透，所有利華政策都會被通過，有華人議員香港加人被恐嚇，又有海外警署
呢個問題係極之嚴重，而加拿大政府係頂唔到，冇意識頂
我淨係睇時間, 除非你地是但一個已有citizenship, 咁時間上就好D,
加拿大stream AB都係要係2026年做到PR, 即你最遲2024就要到埗,
英國bno visa去到2025就review, 咁你仲有2年時間準備,
基本上你而家就要決定去邊度, 加拿大時間最緊, 你呢幾個月決定唔去的話, 就一定只能揀英國,
又或者你用其他方式移民
2個讚
唔記得有冇記錯人, 我明明尋日先見到你話已有英國私校收, 而家又走去煩英國定加拿大?
原來真係你, 我仲記得你兩邊都已經係citizen, 又問過有錢人區買樓問題,
你情況同樓主或大多數開post講移民嘅網民好唔同, 你不如自己開post問啦, 次次係人地問移民post咁樣講, 其實幾不食肉糜
要移民加拿大其實好易，佢地只陪讀唔申請居留係因為唔想俾稅，加拿大全球徵稅
你咁講我醒起有個朋友真係過左去嗰邊20年都冇入籍, 不停讀書讀書讀書.
