我自己從未養過, 只係代朋友照顧過幾隻貓幾個月.
想問下如果去長途旅行點照顧佢地? 放寵物酒店係咪有可能會好驚唔飲唔食?
以前我啲朋友間中交啲貓俾我照顧, 啲貓又冇唔適應, 仲食好瞓好又摸得.
睇性格，有啲貓怕出街，去寵物酒店對佢哋嚟講好大壓力㗎，我有隻貓細時病咗要入院，姑娘話佢兩日都唔肯食，我堅持接走佢，佢一返屋企就狂食…仲要即刻退燒
去長途旅行可以搵啲有經驗嘅朋友/家人上門照顧，再唔係可以搵貓保姆，我搵過3個，每日都會send返貓貓啲相或video,又會影返俾你睇佢食咗幾多同有無臭臭，仲會陪玩
9個讚
我都有諗過，好似有啲可以過埋夜，不過應該好貴
長途旅行有幾長~
我唔會拎去寵物酒店, 貓唔同狗, 貓需要好長時間去適應, 如果隻貓本身好驚陌生既人同事, 咁就更加唔可以去… 因為壓力都會令貓生病.
7日內既, 我會整好晒D 乾糧, 大量水, 3個砂盤. 就行得~
OVER 7日, 我會叫屋企人幫我黎我屋企照顧
(而家同住所以無問題, 以前唔同住都係住響對面屋, 所以都無問題)
2個讚
我估會呀，有啲旅遊旺季佢哋一日唔止接一個家庭，如果過夜好似搵朋友或家人上嚟短住仲好
1個讚
我以前係搵朋友上自己屋企，每日一次，剷屎，換水加糧。
如果朋友鐘意貓，可能會同貓貓玩一陣。
1個讚
會唔會喺外國放養開的貓大膽好多, 去寵物酒店新環境都唔驚呢?
我有個親戚嚟緊去5日旅行, 佢請人上佢屋企餵貓 (兩隻)
一次$200, 一日兩次, 即係一日$400
1個讚
唔會~ 真係好睇隻貓係咩性格, 但大部份都係驚死怕生保.
好多人BOOK 架~ 成日FULL~
睇黎呢門生意可能有得做 
又唔貴喎，去寵物酒店一日都要3,4百/隻
最好出發前試吓啲隻貓可唔可以交比人哋照顧一日，睇吓貓貓反應係點。
因為有啲貓貓連離開自己屋企門口，都情緒失控，好大反應。
我屋企果隻就係咁~ 出一次門口做檢查打針, 結果驚到PEE 唔出, 壓力令佢去唔到小便
越攪越麻煩, 洗既錢更多, 打既針食既藥更多
所以我隻貓係自此之後無再每年定期檢查同打針
永世自閉響屋企.
我連買左新既按摩椅佢都可以驚到唔肯落樓… 買左1個月多D, 而家好DD但見到張椅都要兜大圈行.
1個讚
可能我個人比較負面 我會諗起…
本身隻寵物健康就好地地, 如果唔小心出事就有排賠
仲要俾條匙個陌生人, 佢到訪期間係可以收起貴重野, 但又會諗佢會唔會配多條spare key etc…
1個讚
屋企有按摩椅 & 貓要小心呀
我有朋友隻貓走咗入機件位 而又不知情情況下開咗機… 機件一郁就… 
最後無死, 但係扯甩左大忽皮毛
我揀椅果時已經考慮過呢個問題, 放心~
1個讚
搵鄰居幫手餵，或比錢上門
不能一概而論每貓性格大不同，
有貓會絕食吖
我朋友都有類似經歷，又係夾埋係電動椅內，佢call消防員攞返佢出嚟，雖然冇受傷，但係街坊都知。
我同另一住附近嘅貓友組成聯盟，佢去旅行我會上去湊貓，我去旅行就佢黎我度湊貓
而家我個小朋友（高小）都可以獨自幫佢做，清貓砂，換糧換水吸塵影近照send返出黎一站式，仲可以陪玩個零鐘因為佢得1隻貓貓，好需要有人陪玩。（我自己就唔可以日日個幾兩個鐘咁陪）
我啲貓就簡單啲，唔使陪玩，但廁所多啲清潔辛苦啲。