一連兩日於觀塘海濱「VESSEL發現號」舉行的「開心香港」美食市集今日(4日)繼續開放，惟市民反應不似預期，東網記者上午到場直擊，發現在場購物的市民不多，並以長者為主，人流集中在局部區域，令整體場面淡靜，有商戶甫開檔就已「拍烏蠅」，亦有戴著口罩的女士疑因天氣太熱及翳焗，坐在休息區睡著。
來逛市集的市民分布零散，人流主要集中在靠近觀塘碼頭方向的攤檔，以試食及保健品零食等作招徠。愈接近牛頭角方向就愈少人，有個別攤檔甚至無人問津，商戶開檔就要望天打卦，神情呆滯。場內市民以長者為主，銷售特色啤酒及凍肉等的攤檔明顯人流較少，而附近雖有家長帶同小朋友在遊樂場玩耍，惟記者現場所見，即使「放電」完畢的家長亦沒有帶小朋友走進咫尺之遙的市集去逛逛。
唔講我都唔知有呢啲嘢玩。
咁熱，食乜都無味
去得呢啲場d人差唔多可以食”香”
無喺老人台宣傳下咩？佢哋嘅target customer 喺哂嗰度
加多幾個骨灰龕, counter靈位, 即刻旺返
熱到咁咩mood 都無啦
咁熱，點去
咁熱，唔會想喺戶外shopping
熱係重點而且呢個位置好唔就腳
何來吸引力
消費劵用晒先搞埋啲HAPPY HK，加埋天氣又熱，真係搵鬼去HAPPY。
今日先知原來有此活動。
假如有免費旅遊巴, 全日接送元朗大會堂/屯門大會堂/荃灣大會堂/灣仔會展/東涌東薈城等, 我或者會去; 再者, 位置偏遠, 免費旅遊巴是基本必需, 例如5月尾的兒童書展, 車都無多條線就抵拍烏蠅
我想知有咩美食呀!!!
仲有無八十蚊一份炒米粉、廿五蚊兩粒雞蛋仔呀? 
該主題在最後一個回覆創建後180天后自動關閉。不再允許新的回覆。