疫情過後，大家紛紛去旅行，office手信文化無限loop,
買手信嗰個 - 成公司幾十人，買幾多買乜嘢，有冇特別買比自己team…
攞手信嗰個 - 一見到好嘢博命攞，唔夠喉仲要幫隊友攞埋
大家有冇難忘嘅手信文化/經歷，唔該分享吓
返香港先買，咪又係嗰啲
1個讚
試過有同事買左日本手信番黎
有個同事食完之後講, 呢d 759 定aeon 都有啦
我以前做過一間公司
d 同事乞兒咁
見你放假去完旅行番黎, 如果無手信派就係咁"提醒"你未派手信
但講緊係要派俾六十人
結果公司有種文化, 就係如果你去完旅行無派手信, 番工後就自動波請番飲野/ 食tea
都唔明點解去旅行要買手信。
以前都會買嘅，但我去旅行係求開心架嘛，要花時間諗買邊樣，夠唔夠分，香港有冇，勁煩。又唔係佢地請我去旅行。所以我之後唔再買
6個讚
我最近去完旅行，只買咗少少零食俾屋企人
朋友當然無買，根住有一日約咗個朋友，話我去旅行都唔買手信，有無搞錯 (咁佢應該講笑嘅)
然後我話，連我男朋友都無，點解你會有？
求其買幾包小食算啦
點解要？欠佢嗎？
1個讚
我見到靚嘢會買俾朋友
好肉酸呀
去旅行好得好大壓力囉, 買得唔靚唔夠都俾人笑
曾經有個朋友知我去日本叫我買馬油產品俾佢, 我叫佢自己去SAXA買
1個讚
而家開翻關，個個都去旅行，唔買都得啦，都唔一定要買嘅，有咪食，無咪唔食咯，買手信都唔係老馮嘅
我以前公司同事都比較窮
搭廉航仲要冇買行李
玩玩下變咗大家都冇手信文化
我呢啲老海鮮就去完返工果日會請大家飲珍奶、當多謝大家旅行果陣做埋我果份咁
你呢個idea幾好
不過我部門少人兼全部40/50後，買咗零食反而無人食，都算幾特別
總之心情好就買，心情唔好就買條毛
直屬上司、每人一粒糖、佢又派得出喎、同事同我講以前無㖭架
其他人都係放幾包係公家地方自取
1個讚
第一份工，第一次請假去台灣旅行
買左1X樣手信，一大袋好開心咁返公司派
入完貪心鬼上司房，得返半袋出嚟（知佢貪心屎忽鬼，特登有2樣係指明孝敬佢）仲要樣樣俾佢開過曬
我記到依家
首先講明, 手信、請食野唔係must.
同事A請左幾日假, 佢話北上處理家事,
之後返來正常冇事發生,
無幾耐之後佢自爆其實去左日本,
然後被人笑佢小氣.
本身我理解D人唔想人知自己去旅行嘅,
再過一排同事B升職, B請大家食餅,
然後大家醒起當年A升職時冇請食餅 , 都係嗰句,
請食野唔係必然, 不過有比較之下自然睇得出邊個人緣好D
1個讚
另一件事, 唔關手信事
公司management office每到聖誕都會係大堂搞個小event, 派下小食咁,
有一年落重本派H記雪糕,
好多其他公司職員都落去拎, management無明文講明每人只可以拎一杯, 但大家都識做, 人人都拎一杯雪糕 (有冇人排幾次就唔知),
唯獨是我公司一個同事(都係我樓上講嗰個A)拎兩杯, 咁management office又冇理由拒絕佢嘅,
之後就被公司天文台唱通街
好怕去日本、泰國買手信，因為香港好多都有得買
通常都係小食咋，唔買就算，絕對唔會must