你地記得當年颱風：山竹 嗎
我住村，深山。。 當日打完風無耐就聽到村d呀婆響到大聲對話，世界末日咁樣，亦聽到有後生仔話出唔到村。
原來村口條路比好多吹倒既大樹封左。（幻想一下 “朱羅紀公園”，好深好密既樹林響眼前，大概就係咁，一點都無誇張）
我又google下啦，返公司條路全部係 “block sign” 結果我返唔到公司。當然，住響市區，甚至住響離島既同事都返到工
第2日中午終於有人入黎清理，我終於可以出門返工 （但都已經又無返半日），路上我揸住架車，有如越野車一樣，到市區道路前都無行過直線，一直要慢駛同避開d 倒樹
返到公司竟然被質疑我扮野唔返工，要扣我AL. 那怕我比晒相片，比晒google 截圖都無用
Fine 扣，我的確返唔到公司，扣係道理唔扣係人情，但唔好質疑我返工既決心 
。我只講左一句說話 “知道了，我會淘寶淘一架直升機放響我天台，make sure 一定返到工”
自此次後，每次打風，我d同事都問我 “你架直升機送左貨未” 
