今日收到學校通告通知學校開埋今個學年就結業。。。
有冇家長有經驗，可以點做？學校下星期先有家長會講詳情。
我囝依家用緊到校訓練服務，尋日仲要收到學前評估話依家嘅到校服務應該幫到佢，佢發展一直比同齡嘅小朋友慢。
迷茫中。。。我係咪要跟社署學前服務果邊講咗情況先，因為已經6月，新學年嘅服務應該已經派咗位。。。
睇下教育署有冇安排
唔好等，即刻同校長、老師聯絡，睇吓小朋友特殊情況下有乜安排，輔助服務老師都會去新地方，睇吓喺邊度，小朋友可唔可以跟埋一齊去？
我依家仲要有傷在身，出唔到街，只能用電話聯絡，要靠老公親身聯絡，隔山打牛。。。
我打算聽日搵評估中心問下情況先，再搵老師睇下點。
得返兩個月就開學
，仲要k3，唉。
又真係幾無助
惟有講句, 祝你早日搵到新學校啦 
如果發展得較慢
不如自己打電話去心儀幼稚園問，有冇位for k3或者repeat k2。
主動出擊，有機會有學位就download form約左面試先，再聽埋學校講座有乜幫忙。
3個讚
因為佢有用緊到校訓練服務，但社署已覆嚟緊九月嘅名額已經派咗兩三轉，就算依家搵到學校，都要插隊重新排過服務，都幾難派到嚟緊九月有訓練。
佢已經發展慢，如果推佢上 k3又無訓練，到時上可能會仲慘。
學校話有兩間轉校名單，但只得一間有到校服務，唯有同老師商量睇下repeat k2，排升k3時有到校服務。
但始終會有真空期，要自己搵下有冇可以幫到佢上訓練。
我已經預要repeat k2，佢有社交問題，唔想喺k3咁重要嘅年級嚟重新適應。
鄧你擔心
冇經驗唔識分享
不過祝你早日搵到好學校比小朋友
又要轉校又要等到校服務，已經對sen小朋友有影響，再加上適應新老師，新同學，對佢嚟講好多挑戰。
人生唔怕慢一點，讀多一年，只要找到對的學校，幫到佢，總好過勉強上小一，好辛苦。
唔會無書讀架
睇下學校 / 教育局有咩安排
我理解大部份幼稚園都有參加到校計劃, 包括好多名幼. 因為校方乜都唔使做, 只係等外面隊人到校服務就可以
所以你現時幼稚園提供兩間學校名, 話得一間參加, 可能係搞錯. 大機會只係該校無學童有呢樣需要, 而唔係完全無參加. 你對下社署到校服務名單.
社署應該唔使你再排過. 就算要, K3 本身就有優先
1個讚