兩邊父母都係負擔唔係支持、無論經濟同精神、亦因為咁、兩邊都唔鍾意對方、好氣餒、想好好過自己既生活都無可能、好似人生就係為還債
經濟做到幾多就幾多,記住自己唔係嚟還債。
你係男定女?意思係要俾家用父母同老爺奶奶?有冇得詳細啲講下
猜謎?
我估就黎結婚雙方見家長,但唔啱啞,傾唔掂數。
p.s. 斷估無痛苦
女、結左婚想生多個都唔敢、想好好栽培都無能力、兩公婆兩邊都要養、久唔久有大穫野、唔止出錢咁簡單、睇唔到出路
我同你情況差唔多,但只係娘家好多大鑊野,所以我一早已決定生一個算,簡單啲,無謂再增加自己負擔
顧好自己家庭先。
父母既野幫到就幫,幫唔到都冇辨法。佢地都要為自己生活出力。
我曾經有十幾年時間都經歷緊, 間唔中要執屎, 仲要唔係錢解決到,
你無可能狠心唔理佢地, 因為呢D錢都解決唔到嘅問題, 好多時會影響緊你自己, 你唔出手, 就會燒到你身上,
你只能等班長老都百年後(我都唔想咁講), 先會有安樂茶飯,
我唔會叫你加油, 因為你已好努力好加油, 有咩唔開心就要搵人呻, 真係只有咁多
移民
係,根本都無得唔理。咁你最後解決晒未?
算係解決晒, 長老過身後終於可以靜下
咁就好了,我一直以來嘅宗旨係自己老咗唔好加重仔女負擔更加唔洗佢哋俾家用
長貧難顧,最理想就係完全脫離佢哋,例如移民。
唔得既就以你俾錢佢哋,佢哋要聽你講,命令兩邊好好相處,唔好令你難做,唔係斷佢哋米路。
做好人永遠最辛苦,所以要恨心啲為自己。
真係斷唔到亦狠心唔到、無得唔理唔係其他家人都會埋怨你、都唔想迫死其他家人、因為對所有人都係困擾、大家輪流分擔互呻、感情都好差、我就係一諗到你講既就覺得好無望、呢啲人好長命、真係驚七老八十仲要幫手執屎
咁你心態唔肯改變都係死局,我比較自私,唔會理其他人埋怨我。
一係就勸其他家人一齊放棄。
其實真係好難放棄父母,如果係兄弟姊妹就可以放棄,但父母就唔得,唔理佢哋唔通睇住佢哋訓街同惹上各種麻煩咩
該主題在最後一個回覆創建後180天后自動關閉。不再允許新的回覆。