我隔離屋係兩公婆加3個細路,大嘅應該有3年級,細嘅仲係手抱
佢地幾個月前搬嚟,我向佢地打招呼,佢地都冇乜點俾反應,總之嗰兩個大人冇乜禮貌,相反小朋友係乖嘅
但無耐已聽到佢地嘈
第一次係聽到個男人咆哮"呢啲咪家暴囉". 跟住又低哮一輪.但因為唔清楚咩事,唯有唔理啦
本身我都想同個女人傾吓,睇有冇嘢幫到佢,但佢都係一副唔睬人嘅態度,咁我就算啦
然後間唔中都會聽到佢地嘈,個女人會狂爆粗,感覺幾恐怖吓
中間有一次,我聽到佢地嘈,然後突然拍一聲,就靜咗好耐,跟住個女人就話,你打我,我報警之類,跟住個男人係咁求饒,"俾次機會"之類
尋日我家人話我知,日頭佢地又嘈,個女人鬧到個男人喊住跑走.
然後半夜,我就聽到大力撞擊聲,然後個女人喪叫,“你打我,你打我,你再打丫,當住啲細路面打丫”.
嘈咗起碼有10分鐘
我同老公都被嘈醒,我地仲商量係咪要報警
我老公就唔贊成,因為個女人應該可以自己報警,只係佢選擇唔報.同埋佢都怕人地嫌我地多事.,話未去到刀光劍影喎
我就想報嘅,起碼即時停止佢地,同埋如果個女人話個男人打佢,就可以開始有人介入,起碼啲細路冇咁慘嘛
我地傾吓傾吓,佢地就停咗火,所以就不了了之
總體嚟講,經過多次觀察,我覺得個女人有情緒問題,成日語言暴力.而佢老公頂唔順就出手.
想問吓大家,如果係你地,會唔會報警?或者會點樣處理?