各位爸媽，你哋好!
阿女依家讀緊九龍塘聖家，嚟緊9月就升中一，因老師話佢係band1學生而又有直屬中學，所以如果統一乙部將書院放第一，就一定派到。我最後乙一填咗書院，而甲一填咗油真90%冇機會，所以依家鎖定心水入書院。
因冇朋友囡囡讀緊書院，所以想問吓除左8月21-25號嘅適應週，仲有冇其他迎新活動？
其他有關書院嘅資訊都已經知道，淨係迎新活動唔係太清楚。
如果有爸媽識得有人或者自己小朋友讀緊書院，麻煩盡你哋盡自己知道幾多，話比我聽，等我可以幫囡囡計劃暑期活動。
如果唔清楚，唔緊要，幫得幾多就幫幾多，唔洗覺得唔好意思。
But anyway, 我都先多謝你哋每次都盡力去答我，非常感激你哋!
1個讚
為什麼不直接打去書院問下？
我識人也是聖家p6生、自行入返書院、佢都要等7月註冊才知更多。
3個讚
好的，謝謝你!
如果冇變，嗰幾日應該係要返半日，會有大師姐（中六生或者已畢業讀緊大學既師姐）分組帶住新生orientation。會上堂俾notes 派功課，預習下中一課程、有活動（可能係分組創作話劇、唱歌，喺最後一日表演）。嗰幾日返學要著中學校服。
** 上面既資料已經係好多年前
1個讚
Thanks.
請問星期六要否去中學參加活動？
唔明你想問咩？
Sorry 我可能問得唔太清楚
其實我係想問適應週嗰個禮拜六洗唔洗返學校參加活動？
定淨係weekday 要返？
係咪有家長會？
唔知都唔緊要
其實我係想問適應週嗰個禮拜六洗唔洗返學校參加活動？ 定淨係weekday 要返？
我見你寫左係21-25/8，咁即係淨係weekday 要返。
係咪有家長會？
唔記得左。
唔知都唔緊要
2個讚
Anyway, 唔緊要，thank you!
唔好意思，想問多句。
7月13、14號係咪二選一日去中學註冊？
另外，洗唔洗帶埋囡囡去？
因我要請假
唔該哂各位
7月13、14號係咪二選一日去中學註冊？yes
另外，洗唔洗帶埋囡囡去？學校冇叫但我個時註冊有帶仔去、在場家長也有同仔穿校服去。註冊當場個老師已直接比資料我仔、例如告知佢幾時返去考分班試、適應週係幾時及要帶什麼回校等、教我仔話佢大個了、以後要自己負責所有野。（我立即覺得冇揀錯學校、自行揀及入的）
1個讚