本身13週之前無話成日反胃，同都有胃口，最多一兩次反胃嘔氣。
但過咗13週之後反而嘔多左，無胃口唔想食嘢，肚餓同飽都反胃，食完野個口好酸同肚好脹，咁係唔正常嗎？應該會越嚟越好？我好似係變差左。
我無肚脹既時候，個肚一啲都唔似懷孕。脹既時候似四五個月。唔顯懷係正常嗎？
第一胎？
我嗰時去到5個月先見肚，應該正常嘅。
恭喜你，咁啲旅行係咪唔洗去啦
1個讚
係呀我，第一胎。
我8週個陣去咗兩個旅行，但之後個個就cancel左啦。
有啲人由頭嘔到尾
我有個朋友嘔到生，期間試過嘔到脫水入院。
我自己都嘔咗4個幾月，嘔到驚，唔敢生第二個，一胎封肚
醫生都有同我講有人係咁，但我本身諗住一係就一直差或者差變好，無諗住好變差 
我約咗早啲見醫生問下
我宜家都唔敢再生啊 但你幾多月開始嘔？然後四個月後有一日就突然唔再嘔？
我有阿女果陣係早期先有作嘔，有咗阿仔之後就係嘔到 7 個多月
其實見醫生都冇乜用 生完自然會冇事
咁恐怖，因為我本身都要產檢，諗住早啲見就順便sick leave埋休息。同我老公見到我變差左，就係咁話要問醫生有咩舒緩。
不過姐係口酸反胃肚脹呢啲全部都係正常？我有時覺得我似有胃病多過有左
我一開頭有左無嘔，我仲以為係生仔無咁多雌激素唔嘔
我13週之前仲係咁大魚大肉，宜家只係想食得清淡。
我第5週就嘔勒（我好早就發現有咗），一直嘔到滿4個幾月，試過刷牙都嘔（啲人話刷牙會刺激牙肉，都會搞到嘔）。
我記得係胃口逐漸回復，之前乜都唔想食，試過聞到飯香都即嘔。
不過就算之後無乜點嘔，食嘢都係「點到即止」，因為食太飽都會反胃。
2個讚
你可以點到即止都好好了，我有咗阿仔之後去到第7個月，體重係不升反跌，連飲水都嘔
我陀緊第二胎，岩岩過三個月，陀得好辛苦
成日食唔到野，食完野胃酸又湧上心口，成日乾嘔 呢一胎陀到好心情低落！
上一胎一過三個月，孕吐反應就冇左，成個孕期都幾舒服，真係胎胎唔同
有兩個好朋友嘔到最尾，仲恐怖！
你講中左我心入面果句
我真係好認真諗過係咪有胃病
1個讚
我係時好時壞，所以搞到我好confuse。有時一日完全無問題，有時一起身就周身唔聚財想嘔，暈車浪咁款。
唯有無事個陣食多啲，我本身瘦底同揀飲擇食，好食先食，又鐘意食垃圾食物，所以唔嘔個陣要補充多啲營養。
我有時唔舒服個陣都心情唔好，幾個禮拜放假都無mood玩，日日係屋企，但訓得多胃又唔舒服，得閒又要起身行，同我以前生活習慣勁唔同。
1個讚
加油呀媽媽
我而家成日睇日曆倒數 如果太辛苦，可以叫醫生開藥，我蠢左上次唔記得
如果太辛苦我就食藥，但盡量都唔想食 你都要加油，你仲有幾耐生得啊？
我11月先生得
你應該係12月？
都唔出奇 我由中期到後期都胃痛 從來未試過
1個讚