原來老公負責埋買餸，即係7千係淨袋，咁我真係好明白點解個老公咁大壓力，同埋咁樣對樓主。
5個讚
點大洗法？總好過我自己收埋啲錢？咁我要點做？
要比個like樓主老公，1個人搵錢，屋企所有開支都係佢，仲比7千零用，仲可以準備買樓。
11個讚
學野唔駛咁多錢，難聽都要講，你真係對數字冇乜概念，唔識慳錢
學野係好多方法，係有限資源下，首先媽媽自己要努力學習，再教小朋友！尤其係2歲，自己點會教唔到？！
有多餘錢先報貴課程！冇就自己搞掂或報平課程，唔係愈貴愈好！
3個讚
如果老公都開到聲有壓力，用錢方面真係要諗吓點cut走啲非必要開支
所以老公唔想俾你管數，奶奶覺得你大使，真係不無道理
你已經自己湊，playgroup真係唔係必要，帶小朋友去公園都可以同其他唔識嘅小朋友互動吓
2個讚
樓主老公買多層樓應該都係知老婆對錢銀冇概念,
又可能擔心自己touchwood冇野做, 所以趁後生幫家庭資產增值, 保障個家庭,
樓主好幸福, 嫁到個咁識諗嘅老公
1個讚
我覺得樓主老公好有規劃, 唔明樓主點解有呢個conclusion
明白 你做媽媽都知道小朋友出去上吸收得快好多，始終一大班有興趣好多，我每日都會教小朋友，只係我想額外再比多啲 唔想佢哋第時條路行得辛苦
諗多咗，小朋友條路唔會因為返playgroup易行咗，都唔會因為無返playgroup而辛苦咗……
我開始明點解有人會問佢屋企有無夾萬
9個讚
係，明明識到個好老公，仲諗住離婚。
如果真係離婚，3個小朋友跟爸爸可能會好d。
1個讚
呢點係話如果我唔要小朋友，小朋友係佢媽媽屋企規矩嘅問題囉 喺房食嘢 返屋企唔洗手 唔定時瞓覺
回應唔到太多 兩歲嗰個係playgroup 帶嗰兩個係學術 中有補習
我唔想咁講, 如果樓主老公爆煲的話, 想離婚嘅係樓主老公多D
我又真係完全唔覺得上playgroup 有咩咁大影響力，呢d 嘢完全係個家庭有餘錢先會考慮上，既你無資源，就應該節流，而唔係一路催眠自己咁樣對小朋友最好而合理法你用錢。
1個讚
規舉呢D咁factual嘅野, 教就會識, 就算教唔識, 長大後撞下版都會識,
但學做人嘅野, 呢D係mental (唔知有冇用錯字), 唔係日日提佢要洗手咁簡單
租緊屋 我地冇人幫 我知佢辛苦了。 知道佢打算買樓 應該唔關我錢銀概念 佢本身有目標
妖, 仲要租緊樓, 即你老公要儲錢上會啦, 咁你就更唔好大洗啦, 你今日開始比返7千佢算啦
4個讚
以你地嘅能力，將來諗住讀邨校（幼稚園）？咁真無讀唔讀playgroup冇乜所謂。
大果2個係4歲同6歲，學咩術呀，自己教啦。
去圖書館借書，將d生字寫低或用電腦print，比小朋友認下字。再唔係，再懶d咪買字卡囉。
英文唔知你咩程度，可以喺youtube學下phonics，同埋睇oxford啦
數學咁細個，最多咪學下加減。
呢d唔洗出去學啦。
樓主個價值觀搞唔掂，我有朋友好似佢咗，佢老公真係頂唔順離婚。
1個讚
你好似講得好正確 我真係覺得只有讀書可以改變命運 在我心態唔想生左出嚟咩都冇機會學 父母能力比到幾多就俾幾多 就算死捱難捱都要俾佢哋 子女第一
原來呢個諗法係錯 你地好多人反對
照我呢個講法 有好多媽媽離婚捨得放低小朋友，就係因為根本唔著重小朋友將來？ 如果我衰啲真係可以掉低佢哋 但我無
又咁講 佢啊媽教到你老公咁好出黎 可能分分鐘係好過你教架喎
5個讚