又係我啊~終於決定左跟團去大阪。行程有一日係大阪自由活動,9:30-18:00,道頓堀解散,有大阪地鐵任乘票。
第一次去大阪,有冇邊度好值得去/必買/食?希望今次咁樣行完,下次老人家都可以放膽啲敢自由行。
我地冇細路,唔化妝亦應該唔買衫,唔想行太多/多上落樓梯。
順帶一提,想問問帶幾多 yen 好?大鄉里未去過日本,真係冇咩概念。多謝咁多位~
要睇埋你旅行團嘅行程以免重複。
記得你係7月去?
8 月去~七月太多覆診期。
其他日子行程去睇睇睇,同埋去 Seven Park、Rinku Town 購物城。
大阪生活今昔館,可以著浴衣影下相,另外浪速之湯浸下溫泉都好舒服
8月,關西好熱。
知你同老人家去,應該唔會去太多景點?我自己hea 遊,唔知啱唔啱你。
如果喜歡戶外,一早去「中之島公園」,(你上佢官網睇睇資料,好多設施),係公園嘅餐廳食lunch。 如果旅行社行程冇包大阪城(我父母中意睇歷史地標),可以去埋。
梅田,百貨公司,大商場,唔買嘢都可以睇下,最緊要有冷氣。行到攰+肚餓,好多唔同餐廳,咖啡店可以坐低食下午茶。
係啊~老人家本身仲質疑 “日本唔會熱過香港” 佢唔記得左佢上次去日本係 40 年前!我肯定帶 pack 退熱貼去旁身。
我都係諗住同屋企行有冷氣有廁所有餐廳嘅地方,影幾張 “到此一遊” 畀機會佢地 send 畀朋友曬下命。
我都上網研究緊,可能呢個行程最適合,都係啲重點打卡位,但可能就唔去展望台。
黑門去打咭算。嘢食唔平兼唔算好食。
有無邊到會多啲平靚正美食?
遊客區係一定呃錢
我都係求其搵嘢食嗰啲人嚟嘅。睇下其他會員有冇介紹。
不過喺日本 是但有一間餐廳,麵舖或者壽司店啲嘢都好正。 記得廿年前喺東京住嗰間酒店對面,食咗個吞拿魚生飯,¥500,我覺得仲好食過中環200幾蚊一碗嗰啲壽司飯。
唔知你哋鍾唔鍾意食甜品?日本嘅西式蛋糕一定唔好錯過。
上午 自己俾錢坐 J R去 奈良 餵鹿。
下午 你睇吓其他會員有咩提議。
帶手提風扇仔
大阪城:
樓高8層,一般遊客可以坐電梯到5樓,餘下3層自己行上去,
如果有長者,職員可能會用電梯送到你上8樓,
我試過,要主動問先會得到此服務。
參觀完最後都係要自己由8樓行樓梯落地下,唔會再有電梯搭。
咁唔得了,上落樓梯都攞佢命。
多謝提醒
該主題在最後一個回覆創建後180天后自動關閉。不再允許新的回覆。