收租都有風險，而家咁多人自殺隨時變凶宅
驚自殺，咁買車位囉。或者索性買凶宅，回報仲高。
樓主咁嘅情況，千祈唔好套現買樓收租。
反而覺得應該套少少錢出嚟做生活費。
3個讚
宜家無野做當然唔得。
就算有份工，依家都唔建議買香港樓收租。
2個讚
其實攞層樓按返小小出嚟真係最佳方案，除非老公短時間搵到工。你按樓攞出嚟唔係要洗哂佢，係有cash心都安定啲，按左出嚟放mortgage link一樣有息收返，利息開支唔會話好大。
再同埋男家屋企幫唔到手，可以睇下女家屋企有冇咩幫到，有時係上去食多幾餐飯可能都會慳到啲。
我覺得講俾屋企人聽都重要，唔好為面子唔講。佢哋幫到手自然會幫。
3個讚
人無絕人之路㗎，除非自己放棄
唔好諗埋一邊
無野重要得過健康。你只係處於不安。
現在似乎你只需要解決錢的問題。
假設賣左層樓，租間屋大D和父母一齊住，又有工人照顧，等BB出世後你又可以揾工。
又話者好似其他人比你的建議咁，辦法好多，只係你心態點睇件事。
錢可以再揾，健康要緊，唔好影響夫婦間感情。
分享下我自己的選擇，我情況係出世頭兩年做FTM，辭左份工，食自己積蓄，因為衡量過，無人係好得過我自己揍。
1個讚
呢單miss左添
1個讚
剛失業咁，半年buffer都冇真係奇啲
照計搵到8萬，少少財商都有掛
1個讚
經濟麻麻，唔係好靚又唔係好多人租架咋
好奇夾萬單野最終點解決
其實投資咩都好，人各有志，買樓利率當3厘。借舊錢仲新資金定期都4厘。
其實想帶出，有層樓，好多野可以玩。
4個讚
其實樓主不用太擔心，你巳比好多人好。你們有層巳供滿樓可作應用。我5x幾歲人都無full paid樓。不過當然都係我自己選擇，吾應該用盡金錢去還樓，除非很多多餘錢，因那會令你現金流不夠。
-
你可加按層樓，當吐出2M, 現市面mortgage p-2.25 = 3.75%息，比夠你4%，因可能還有機會加，但你好彩都差唔多見頂。
借盡30年還 即每月還$9548 -
因有2M現金，可先將1M做定期，襯現在息高，又驚自己亂洗。市面3.5-4.5%息。平均當4%吧 即每月有收入$3300
即實則只比$6215
- 因有1M現金，而樓主之前說一個月用4萬，再加新按（減收息）即每月實支出 $46215
當5萬支出吧，那1M/5萬，即可用20個月。
如樓主老公只須找份工5萬，足以夠生活，然後樓主生完之後再找多份工，都有7-8萬吧，好快你又可full paid啦。
不要過份擔憂，這對你同BB唔好，同時亦比到你老公好大壓力。危機天天發生，經一事長一智，只要兩人齊心，應該不難渡過啦。比啲信心你老公同自己。
希望能幫到你認真諗諗，其實有很多路可以走。
8個讚
都係，話有間樓而無飯開，成件事有點有趣
我正想講full paid買樓係世界上最蠢嘅事，沒有之一
投資外國樓，人地冇凶宅概念
同意，小小事驚成咁，應該承受唔起風險，但一個家庭有1年後備資金係好正常
4個讚
樓主唔見咗，離題請教下
Full paid 鎖死現金流係錯，但對於唔識投資或者係0接觸投資嘅人黎講，full paid 慳返黎嘅息可以買多套物業，咁好難唔去決定full paid 買樓
我知我嘅觀念對於錢搵錢黎講係錯，所以真心求請教，除咗買股票之類仲可以點樣錢搵錢？
將full paid 嘅錢分半黎買兩個物業，一個自住一個出租？
喺外國就唔同講法喇，外國租金同香港相若但house price 平幾倍，mortgage rate又唔低，外國如果有能力full pay係應該嘅
2個讚