我係ftm, 老公突然冇左主要收入來源… 新老細上場大刀闊斧… 冇諗過會咁…我地有一個大b, 我想出去返工, 但又大住個肚, 做唔返本行… 最快要坐個月先返得工, 仲有大半年… 我情緒頂唔順… 我唔敢去面對… 眼淚冇停過… 有冇過來人… 可以點面對？唔好同我講搵人輔導, 又係要錢… 老公會再搵工, 但一定唔夠支出… 點捱？我頂唔順… 所有決定都係錯… 又變ftm又生第二個… 我好後悔
1個讚
你可以搵地區家庭綜合服務中心，唔使錢㗎
佢哋除咗輔導，亦會按住你嘅家庭需要提供一d實質嘅支援
13個讚
未至於一被裁就無錢開飯？定你地本身開支好大？
4個讚
老公本身搵得多唔多？你地決定轉做ftm 即係應該有計過數屋企係有積蓄？
有積蓄再加老公搵份快工先，個人會定啲安樂啲
之後再諗吓點樣cut開支
3個讚
老公搵8萬… 積蓄全部去買樓… 份工本來好安穩,冇諗過咁突然… 唯一唔駛供樓, 我轉左ftm後已經好慳, 大b都係自己教, playgroup n班都冇上, 冇得再慳… 可見未來淨返既積蓄會用哂, 大住肚點搵工？唔通落左佢？
可能因為而家樓主有咗bb，所以同本身嘅計劃有唔同
1個讚
本身計劃就係我隨時可以出黎搵工, 點知大住肚突然發生咁既事… 冇左plan b…
即你住不成問題？咁老公搵幾多洗幾多應該都得？
你可能過慮啫，同老公坐低諗下傾下，唔使收埋自己，對bb唔好
9個讚
公司點都要賠長服，人工咁高個度都唔少，夠頂一輪，搵到8萬一個月相信係fit馬，搵份新應該好快搞掂
13個讚
如果財政上出問題, 可唔可以問親人朋友借住錢先? 搵到工就慢慢還?
一向已經慳冇可慳, 出街食飯都係一個月1-2次… 除左層樓, 幾乎係基層式生活… 積蓄去哂買樓, 淨低果d仲要補貼支出, 會好快冇哂… 又唔只我地頭家要俾錢… 因為個個月條數我揸手…
如果真係生活有問題嘅問父母借住先
唔得嘅用層樓按D錢用住先
頂到佢搵到工或者你返得工佢做ftd
我父母有病, 一向都係我地出錢請工人照顧佢地… 老爺岩岩失業, 奶奶冇儲錢習慣…
弊在一d都唔fit, 佢都知自己靠運先上到位, 今年年頭試過水溫寄信, 都冇回音… 佢話會再搵
咁唯有好似樓上咁講, 一係按左層樓先, 到你都生埋BB坐完月, 情況可以的話出黎搵返工, 兼職又好全職又好都做住先, 支出大有老有細要照顧
冷靜d 先，唔駛供樓，之前月入8萬，咁每月開支係點呢？！正常黎講，應該好夠洗兼儲到吓錢？？
如果新工既收入又會係幾多？
樓主，將每月開支list 出黎，由各樣開支去調整。必要時，用層樓去換cash頂住過渡期. 其實你既經濟情況唔差，唔駛太焦慮。
利伸：我ftm, 第2胎出世時，老公都係失業9個月。
5個讚
你間屋值幾多？已經供滿可以向銀行 以資產方式，按最多4成 尼周轉
1個讚
一向都揸住條數, 之前所有積蓄去左買樓後, 就開始儲蓄一半收入, 即係洗4萬儲4萬, 以防萬一, 點知儲左冇耐, 就出事了… 父母請工人唔cut得, cut冇可cut, 仲要老爺奶奶家用呢…新工都未搵到, 唔知等幾耐
一諗到要按層樓借錢, 我已經頂唔順… 咁辛苦先full paid買樓, 就係唔想還……….
冇左收入，除左財仔應該冇銀行肯借