香港地full paid得起嘅人, 一般都會full pay後仲有一筆唔細嘅錢, 先會去full paid, 否則的話有5球係手, 以香港人精明性格一定買兩層, 就算只買一層, 最多借少D錢, 供輕鬆D.
X2, 筆錢去左邊
樓主都冇話自己層樓市值幾多。500萬係網友估計。
係係，我衰，我亂估
因為佢話近來買（買完開始儲，無耐老公就被裁）咁我估近來起碼都五球啩
我係＃22 問果4萬洗費細明，同#41 提議佢地 搬回同父母住，出租自置單位。連最基本既開源節流方向，佢都似無諗過咁，一味話驚，所以都無咩意見了。
4個讚
之前使4萬儲4萬，所有儲蓄去晒買樓，所以呢家儲蓄歸0
換句說話，樓主有4萬就維持到日常開支，呢家仲有層full paid 樓，但唔想按。
1個讚
冇嘢喎，唔好太認真。網上嘅嘢。
3個讚
又唔算估得唔合理，揾到八萬一個月斷估唔會買三文四百萬上車細盤掛、樓主仲要講到啱啱買左冇耐咁。
其實樓主老公可以有解決方法、不過未落實唔講遮
學樓上話齋、揾開八萬工要揾四萬唔難
再退而求其次揾三萬甚至兩萬幾頂住個雞頭先都得
樓主如果真係唔識投資、又或者唔夠膽按樓拎少少錢出嚟頂住先、不如張問題交返比老公、照顧好自己情緒先，你擔心、bb都會feel到。
2個讚
樓主老公本身搵八萬，雖然要照顧兩老嘅開支同俾家用老爺奶奶，又唔使供樓，所以應該都唔會好拮據嘅
所以先選擇生第二個，只係冇諗到突然被裁員je
揾四萬儲四萬唔算拮據啦
我中意睇數字。
500萬樓full paid,
如果每月儲4萬，至少儲10年，樓主之前有做嘢，可能儲更多？
亦唔排除10年內，唔係每月都儲到4萬，因為10年前，人工未必咁高，當樓主30中，老公都唔會太大年紀，大學畢業10幾年，又唔識投資，可以cash buy層樓，好勁。
樓主同老公買樓都應該冇父幹。
依家買樓，唔會為咗唔同銀行借錢，而傾盡儲備，尤其樓主有大B又有第二名身孕，更應該留一筆現金在手。年幾前供樓息都算平。
基於以上，睇到好多唔太合常理嘅地方。因為D數字，背景資料，加唔埋。
8個讚
真係full paid 左層樓, 租出去自己再搵住細啲, 或者短暫同屋企人住住先都已經有啲資金可以用
事在人為, 總有解決嘅方法嘅~ 但心態負面就咩結都解唔開
2個讚
其實呢啲純粹叫人睇開啲，老實講根本唔應該咁compare
自己冇鞋著唔係問題，但如果自己其他兄弟姊妹有，就係問題
當你身邊99.9%嘅人都有腳，而你放大剩返嗰0.1%冇腳，而有腳嘅人都有鞋著，你無，就應該面對同諗辦法解決
3個讚
樓主應該係心理上經歷唔到失敗，咁後生買到樓，應該兩老婆能力都唔係好差。見文字描述都係肯延遲享受既人，應該係努力既人。
生左第二個，開支又會變大，大既之後又要返學，又有開支。我都明白你擔心d乜。
人生真係好多風浪，撐左呢一關先，最壞由8萬跌落4萬，再作打算。失敗挫折常常有，最緊要一家齊齊整整。
加油！
6個讚
首先，唔好blame你自己，唔好blame bb或者爸爸
既然你一直睇數，咁你首先計計黎緊呢6個月要俾幾多錢出去，生活費，家用，姐姐人工，管理費，差餉，產檢，住院，真係乜都要計，全部計多唔好計少（其實係cash flow forecast）
呢條數就係你依家要諗辦法搵嘅cash，你會發現到其實條數唔係好大，根據你所講，當你一個月用4萬，6個月先24萬，計埋生b、還錢同利息呢啲因素，俾多啲buffer你，當40萬啦，其實你就算按樓借40萬，理論上遲啲你老公搵到工，你又開始返工，要還應該唔難 (唔好借財仔)
上面有人提過如果有保險可以draw綫，可以考慮左先，因為借少啲，還利息都少啲
另外，其實我叫你計嘅6個月cash outflow，係你本來應該長期要keep 嘅cash or cash equivalent ，即係當你要用隨時都可以攞到出嚟嘅錢
一切穩定返之後，你作為「睇數嗰位」，呢個數目係你首要目標，有剩先可以諗其他投資，咁你就唔會再突然財困！
另外記住，你睇數，你要不時review呢個數，因為你小朋友會大個，要返學，bb出世，呢個數會再大啲
7個讚
好多人都加按層樓借錢,樓主唔駛咁驚啦,按一百幾十萬出黎都夠用幾年
1個讚
冇收入，銀行不會借錢。樓上有建議用資產借，但睇樓主，除自住樓，係冇其他資產。
就算銀行借俾樓主，但樓主老公沒搵到工時，點還，都係要考慮。
最可行方法，用住公司賠嘅遣散費，希望可以早啲搵到份工。
2個讚
間唔中都會出現一啲唔合理嘅post
類似夾萬要自己住一間房果啲
唔好咁認真答就得
7個讚
呢單好好笑。
1個讚
睇D數字真係唔合常理
管錢竟然可以唔留D buffer, 都唔合常理
冇野可以減都唔合常理, 首先應該減家用, 99唔儲錢, 應該要62 & 99自己承擔後果, 而唔係個仔財困仲要個仔俾家用
4個大人, 加埋可能成200歲, 仲要男人咁高收入, 竟然可以兩家都冇閒錢, O係香港黎講非常唔合常理…
2個讚