本人備孕4年半，分別係私家仁安做咗2次IUI及pwh1次IUI,最近呢次IUI同之前好唔同，排到政府籌IUI中間一定要經過OT，腹腔鏡+宮腔鏡完成先會做下一步IUI/IVF，所以由排期去到真係做IUI係經過好多關同時間（2年多），呢一次IUI感覺好唔同，覆診除左係好急好快好多人，另一方面係見醫生見得好密，每次U/S都要抽埋血睇激素水平，試過突然收到call第二日返去見醫生，醫生由D2開始就要我每日自己打menopur 75IU,一路打足12日，跟之前睇仁安係D2食左5日排卵藥再隔日打Gonal-F唔同，咁私家當然係賣服務。
其實當時自己都有怨言，自己連續打咁多針，其實打緊針果時都有諗咁同IVF有咩分別，都係日日打針，只係個分量少好多姐…諗住做埋呢次唔得就轉去台灣IVF，一心諗呢次免費幫我慳左起碼2皮喇，之前做埋OT又慳幾皮！
但當14日返走抽血之後收到call, 恭喜你 你懷孕！
我當時係街市買緊餸，直頭呆左，好開心終於成功喇！
所以我都好想同各位努力緊煩惱緊擔心緊JM講，真係當你去到比較唔著緊,心情放鬆左真係有影響個著床，我當時都有問HA醫生 如果呢次唔成功係咪可以轉IVF呀？佢話話掂唔洗錢會做多2次IUI先轉，因為我算後生
所以我會建議如果後生又好想有自己BB，一年備孕唔成功就好寫信排不育科，因為你等到見醫生做療程都要最少2年！
Tips：
1.老公想精子好，一定要飲多D雞湯，我媽果排一星期2次黃精煲雞湯，我自己就成日焗蟲草水一齊飲，到時驗精D精比前2次係仁安靚好多，之前形勢係fail,呢次醫生話我老公精子9X%活躍度同個量都好好
我媽買左D野生黃精，果幾個月密密煲湯俾我哋飲，飲左個人暖同精神左
2.另外，我係淘寶買左好多暖宮貼，Bingo前幾個月我係晚晚貼，日日貼，貼左又好瞓左，個人暖左好多
3.同埋我睇左幾個月中醫，不過我就冇專一睇一個，我係睇政府中醫再加之前新冠後調理
4.我有迷信，曾經搵左個師傅，之後貨金買左2個擺設（等於做左一次IUI錢（老公唔知）…），仲拎左本佛教 妙法蓮華經觀世音菩薩普門品，有好勤力咁唸，得閒就諗下經,繞塔um…我覺得唸經係比擺設更有用
總捨，好想將自己bingo既小tips同大家分享，希望你哋都可以成功！
雖然有D人一結婚無耐就有咗，而你就用咁多時間仲未成功，我可以講回想一切個過程係重要，一切是最好安排，所以唔好放棄又唔好太失落，因為太緊張真係會影響，祝大家都好孕=］
