新工人1月到，old seafood!
我哋已經冇咩要求，屋企又唔係特別愛乾淨，ok 便可以！唔洗買餸，唔洗買日用品，平時只係簡單清潔，接送小朋友，我小朋友2個都返全日，平時已經好得閒。
會繼續更新
咁真係僱主小氣
上鎖係惟一既解決辦法
個僱主係未驚姐姐移花接木？上網見過有僱主講過，佢姐姐偷左家中部真dyson風筒，然後換左部假嘅返黎。
似係驚粗用整壞野？
我覺得樓主比工人用吸塵機算係咁
現實係好多人都唔比工人用吸塵機…
我屋企貼紙條貼到一屋都係, 作用只係斷正的時候無得話 I dunno.
無法, 當初唔想, 但呢D人係唔會咁容易聽僱主話的
解決唔到
得兩個方法，1.一齊用平嘢，2.一齊用貴野
我有個前工人，一入屋頭一星期就整爛無線吸塵機，之後我只買平平哋既有線吸塵機用，風筒就用小米算了
貴既直髮夾，每次用完拔掣放返入自己鏡櫃入面，以免佢又順手開嚟用，怕佢整爛同衞生問題，唔想share用。
你自己都知自己小氣….
放過人地等於放過自己呀施主
唔想工人姐姐用就鎖起佢入房喇！
咁用咩清理地下?
（純好奇 因為冇試過請外傭）
工人有冇前科整壞你啲電器先？如果佢只係正常使用，做咩佢唔用得Dyson？ 真係好介意俾人用嘅嘢就自己鎖好佢。
唔使買餸，唔使買日用品，小朋友返全日學，相信以上3點都唔係佢自己申請嘅，點解講到好似益左佢啲咩咁嘅
另外，日常生活已經好多rules, 仲要分呢樣邊個用，果樣邊個用，佢唔煩架，最後煩到果個係自己。
點解咁堅持唔比佢用Dyson? 怕Dyson易壞？雖然好多工人咩都用壞，但亦有好多工人同電器夾到嘅，唔使咩都防定先。
簡化一啲，話唔定工人出錯會少啲。
用地拖掃把用布抹
需然我自己都唔明點解要咁做
但同意樓上講、唔想工人用/偷用就自己收起鎖起
（我諗起見過有人投訴工人偷偷用佢啲skincare)
靠工人自律加有記性….
何必同自已過唔去呢
係有D怪 如果家中有吸塵機但要姐姐用掃把 其實唔會最乾淨喎 除非個僱主自己會吸塵 
你唔知工人最鍾意有呢2樣？
難得你承認自己都有缺失
其實我認為你合理
因為好多工人做野好「粗」
可能物件唔係佢，爛左又唔洗佢錢，一啲都唔會「輕手」少少
啲貴野真係好易會比佢哋整爛
你有冇講過？如果有既，咁佢可能特登，你要自己睇多啲！睇到佢知道冇得「偷雞」就死心聽話(希望)
寫list比佢做野
例如洗風扇、洗冷氣機呢啲，得閒就可以做
其實因為舊姐姐比到我信任，依個比唔到，所以純呻！
不過佢有一個好處，我好安慰，就係從其他人口中，佢好錫我小朋友
呻得好 工人有問題
我果個唔會咁
佢邊會理乜野牌子係俾邊個用
邊部好用/ 就手就用邊部架啦
同意~
梗係啦，佢醒，取易不取難！
佢燙衫仲唔用燙衫板，係飯枱鋪幾層布，當燙衫板用
已滿分