有男網民昨日（20日）在Facebook群組「將軍澳主場」發帖，表示其女兒到調景嶺彩明商場大家樂食飯時，被一名女食客的食物「淥親」，女食客事後離去，幸有街坊協助召喚救護車，他希望尋得這位女食客。其上載的相片顯示，女童正留醫治理，額、手均有熨傷，需用保鮮紙包紮預防細菌感染，慘況引起網民關注和討論。
大家樂回覆本台查詢時證實，5月19日晚上於調景嶺彩明分店，有顧客不慎將熱咖啡打翻，淋向一名女童。大家樂對事件表示難過，強調非常關心女童的受傷情況。
大家樂又指，女童家人已報警處理，警方曾向分店要求查看事發片段，惟分店閉路電視正待維修，未能紀錄事發經過。大家樂表示，會配合警方調查，並與受傷女童的家長保持聯繫。
本台另外向警方查詢，警方指當日接獲女童祖母報案，指其8歲孫女在上址「買嘢食」時「行來行去」，不慎撞到一名持著餐盤的中年女食客，女童被餐盤上的熱飲淋到，額頭、臉部和手部受傷，送往將軍澳醫院治理，及後轉往啟德兒童醫院留醫。警方初步相信沒有刑事成份，案件暫列為「有人意外受傷」處理。
下！
版本好唔同
真係要睇下有冇食客咁啱影到事發經過喇。亡國班Pk一面倒鬧個女仔走來走去，所以先畀人整親，又話佢老豆想屈人錢，成班真係好痴線！
就算女童自己被人整到，但那位女士都唔應該走左去，比啲同理心，睇下人地有冇事先。究竟事發經過點樣，真係睇下有冇人拍到片。
快餐店食野有時真係幾危險，枱又細又迫，行人路又窄，大人攞住個盆有時真係睇唔到啲細路，人同人之間一個轉身就好易撞到。
有D人係好賤,我見過有個大人係M記撞到個中學生,跌左佢杯可樂落地,個大人無理過即刻走,我停低睇下佢有無得換返杯,好彩M記都重新俾返杯佢
CCTV永遠都係有需要時就壞，大家樂有第三者責任保險，可以向大家樂索償
又冇CCTV，咁又屈左人不慎。
記得網上個老豆話要人賠償，人哋走左去道德上係有問題，但唔犯法。
要索賠你都係告大家樂先，而且佢自己都唔知係咪自己個女撞到人先，呢下真正大陸化，乜都人哋錯乜都要賠錢。
其實呢啲位有冇得賠錢先？
8歲又真係唔可以比佢離開自己
無追開呢單野…
即係有2個版本?
我n年前喺美心食早餐
坐喺位食食吓都俾人淋熱奶茶
成身都係，個人對唔住都冇聲就返埋位
我見佢係拎住兩個餐盤，應該係唔夠力，所以成杯嘢淋咗落我到
好心唔好拎2個啦
係呀！意外在大家樂店內發生，可以向店方追究。
非常同情你～
大家樂係特別多怪人，相對茶餐廳佢唔算特別平，但茶餐廳啲人正常啲，而且有人送餐。
無論如何祝小朋友早日康復，事件早日水落石出
上面都有人講咗向大家樂索償。
咁講咪唔使煩囉，對公司有利就有cctv，無利時就… 
我又覺得大家樂未必會咁嘅
呢個唔關事，無CCTV對公司更加不利，其實點解大公司有事時就無CCTV，成本問題，好多大公司CCTV都係裝假狗，唔係實際用到，為咗慳錢，裝個假嘅一般市民唔會知，只係一重威嚇作用，正常情況下，CCTV邊有咁易壞呀
睇到所有人都講CCTV幾重要,呢件事就可以帶出所有公共場所地方都要裝CCTV…
重點係，有事發生睇唔睇得返囉
裝唔係問題，問題係用嚟做咩，一把刀可以救人，亦都可以殺人