見我小朋友話鍾意芭蕾舞，上年11月（小一）幫佢報名每星期一堂學左大概半年，而家舞蹈學校同我講佢要轉一星期兩堂先有得考RAD，否則就無證書直接升班。
想請問各位，係咪都要一星期上兩堂先有得考RAD? 無呢個cert係咪會影響到佢將來升級？
有無邊間可以一星期一堂嘅呢？
唔考就升唔到班，來來去去都係學同一樣嘢，考試會有特別堂教佢地考試嘅動作
1個讚
你小朋友咩 grade？我記得我仔細個 grade 5 前都係一星期一堂，但學校長假，例如聖誕節復活節嗰D就要加堂
唔考都唔係唔得，但係同一班，一星期跳兩堂嘅，正常會比跳一堂嘅跳得好D，老師亦會緊張會考試嘅同學多D，咁你小朋友會唔會唔開心？
另外，芭蕾舞越高級，上堂會越多，如果小一已經俾唔到一星期兩堂，好難再學上去
利申，我仔留學前係常規一星期六堂，比賽、演出再另外加堂
1個讚
我女3歲開始學，一直上到G5先轉一星期2堂，佢又冇咩唔開心，因為太多其他堂要上，佢都知冇時間。
1個讚
佢而家Primary，而且又只係初學，同班同學由幼稚園開始跳係有明顯分別。我都諗如果得佢一星期一堂唔考試，老師可能唔會再留意佢。
咁佢上堂跟唔跟到呀？或者係學咗幾耐之後先至跟到呢？
真係唔知學芭蕾舞要一星期兩堂，報名當初話可以一堂，無問題⋯⋯ 我都唔想長期好似全班得佢跟唔到咁～
Sorry我唔係好記得了，不過如果好介意咪照俾佢上2堂囉，時間就到就得。
1個讚
我女芭蕾舞都係一星期兩堂，如果唔係就冇得考試
1個讚