先講背景先，而家拎緊政府資助，所以其實賺得唔多，有個小朋友，我全職媽媽中，預計個女返幼稚園先搵野做
咁好難得等到公屋，咁搵得唔多我就當然想樣樣都平，什至2手都可以，但我老公就覺得唔得，要買啲咩大品牌，日本製造嗰啲，什至裝修完又要搵人清潔同除甲醛嗰啲，呢到又係舊錢，咁他就話電器要每個月先買倒一樣嗰啲，咁又推遲搬入去的日子，小朋友又就黎開學，之後啲洗費又會大，我真係唔知可以點先勸倒他
如果我自己買左先他又唔會比返錢我，因為係無經商量下買，所以想請教下大家有無類似事件可以分享下可以點做
咁爸爸佢搵得多同工作穩定嗎？
我覺得你老公冇乜問題喎，又係用落屋企有用嘅，佢搵錢佢話事啦，難得新居入伙，之後慢慢再慳。
8個讚
佢係咪鍾意買嘢貴啲㩒用啲嗰種人？
2個讚
如果佢係乜都碌卡買嘢嘅人要小心啲睇住盤數，我識一d人，男同女都有，乜都碌卡原來每月還min pay呃老公老婆，結果最後爆曬煲
5個讚
呢度唔係好明，如果要買新每個只能買一件
其實嚟係問題，咪照搬番而家用緊既用住先
都得咁解要推遲，兩邊比租咪仲貴
而家我都係用緊呢樣說服自己
而家同緊老爺奶奶住，所以樣樣都要買
係，他覺得日本製，德國製就come用
其實咁係好影響住，姐係平平地呢個月可以買到3樣電器，但因為他要靚野，先買倒一樣，想再買要等下個月，仲有啲濕碎野呢
我只能說如果老公搵到，工作穩定都冇辦法
我老公以前冇憂患意識，冇捱過窮，我都比佢知道好多嘢唔係必然，亦唔好覺得食好著好係必需
佢而家好好多
咁他味去到呢個地步
就係搵唔倒先擔心，拎得政府錢就知收入唔高啦
可能他真係味窮過
味試過一蚊都無係點
點先令他明呢。。。
我覺得呢啲係天生
唔識睇住自己份荷包入面啲錢做人
1個讚
電器上貴買平用係ok，安全，耐用啲。
而我會睇貴係貴在售後服務好同內膽耐用，定係貴在design/外型上，例如自訂面版顏色，呢啲就貴得唔實際。
洗衣機嚟講，我搬出來時，平用LG，一家三口用都用到好幾年，雪櫃買豐澤牌都一樣用四，五年，用到我唔要都未壞。
其實豐澤牌都係貼牌機，同美的嗰啲無分別。如果budget有限買左經濟啲既大牌子，但預留位置，下次轉用好啲時都有位擺。
你同老公喺買家電上的價值觀唔一樣，不如去大公司買，一次過買，再用信用卡做分期就可以唔使慢慢等，一個月買一樣。
5個讚
可唔可以慢慢傾下
我覺得大型電器好似雪櫃洗衣機洗冷氣煤氣爐
買日本歐洲唔過份
因為真係用十年廿年
不過我自己當時搬出嚟
都係買細細部一個正方型雜乜雪櫃
$1400
用左幾年仲可以$500賣出去
其他風扇呀、燈呀果啲
真係豐檢由人啦
不過如果如樓上講
佢洗腳唔抺腳
其實個個洗突
就要小心
如果要平、係咪去某啲舖頭用cash買
可以再平幾百？
如果要平，就上格價網打心儀型號，去啲評高的商戶買，喺網站到有曬價錢。
電器最重要有保養。因為壞一次的檢查費同零件=你買過一部新。
我當初買豐澤牌係貪佢有三年保養，我部lg 洗衣機都喺豐澤買，送貨嚟有乜問題，即刻幫你換部新。
細公司就擔心送完上嚟有乜冬瓜豆腐就閣下自負。
下下要堅日本製，德國製，每樣都近萬，靚啲過可以萬一件真係好貴。
洗衣機，雪櫃用貴係可以，因為用好耐。
試下同佢傾電飯煲，水煲，風扇，冷氣機可以買返啲平啲而用得過的牌子。
用壞先逐樣轉用靚野
小朋友又要開學，你哋又要新居裝修，支出好大。