岩岩去咗急症，醫生check過晒冇問題，bb size正常，而家要留院觀察，但係我由初初懐孕到而家20週都不時keep住流啡，之前係大便嘅時候就流少少，但今次直頭feel到流出來，好驚保吾住bb,去睇中醫調理下有冇幫助呢？
我有朋友之前都係咁啊，佢有睇中醫調理。但都真係要搵信得過嘅中醫師。
我曾經聽過話有D中藥對孕婦唔好，不過我唔太熟啊。
不過放心，醫生Check咗無事一定安全的。
媽媽都要放鬆心情，BB都會健康㗎。
我朋友個BB都健康出世。加油媽媽
2個讚
流啡黃體唔夠，去婦科醫生打安胎針及多臥床睇吓情況會唔會穩定
1個讚
我上次問婦科醫生可唔可以比安胎藥我食，之前12週前都有食，但佢話而家呢個周數就吾需要食,所以都唔知點
我佗我大仔時由知道到7個月肚都流啡
果時我都唔識驚。。。。私家醫生開左d黃體素比我
我食下唔食下咁。。。
到7，8個月先無再流啡，我仲跑跑跳跳
Relax 冷靜處理，唔好影響心情，加油呀
2個讚
咁醫生有冇話係咩事呀？去廁所去到好驚
轉另一個婦科醫生會開安胎針既
試下搵孫錫鴻醫生
1個讚
醫生只係話好多人都係咁，叫我唔好緊張，小心注意，多d休息，食黃體素，如果流得多一定要去醫院
我同事都係咁，但佢唔係流啡禁簡單，佢係一直都見紅到生呀b出黎, 佢由有左到生都要訓床
唔好緊張，要relax d…食多d正氣野
我果時所有寒涼野都唔食
（直到8個月無再流啡，我先食涼野準備易d生。。。我順產）
我流啡果時連菜有白色都唔食 （我家姐睇開中醫，佢話菜有白色都係寒，比如白菜）
你可能過多一排就無事，休息多d 加油呀
Thank you 
我而家都留係屋企休息
1個讚
如果流血代表內膜唔穩定，黃體素唔夠先會波動(剝落)，
粉紅色可以先補充黃體素，大量要打針同食止血藥，再去急診
如果流啡色野代表原先有流血但係一段時間之前，已經氧化，
可能係最近比較攰同壓力比較大，可以多休息，唔洗太緊張。
變紅色再特別處理就得啦