假設必須要你去食店打工，必須啊
食店會包2餐 係食店既主題菜色 menu 上既野都可以揀
你會做咩食店呢 （環境，工種咩都唔考慮就考慮食果2餐）
酒樓
茶餐廳
西餐廳
Pizza 店
壽司店
自己諗 
事源。。。我每日都會去響公司附近食早餐，未到7點9就會到，去開都係果幾間，都係茶記。
我每次去到 員工老闆都響到食緊早餐邊食邊做咁。。。每次見佢地都係食緊自己餐廳既野
Lunch又係見到呢班人 （但無食野），但我相信都包餐
咁日日食 食足2餐。。。會唔會悶到唔食呢。。
我諗我都會揀茶記或酒樓
1個讚
如果係係中餐/茶記做, 咁包餐都係食返中式, 應該唔會食到悶,
正如你日日食飯, 你都唔會悶一樣,
除非酒樓/茶記嘅包餐無提供飯
茶記/西餐廳
但通常佢地都係另外煮, 唔會食餐牌啲野
壽司/茶餐廳
如果茶餐廳炒野日日食都幾肥
好多年前我喺快餐店做暑期工，都係師傅另外再煮家常飯俾我哋食，我記得好好味
1個讚
茶記，酒樓，如果揀餐牌入面正常價，一日一款都有排食，就算唔比揀餐牌而係廚房另煮大圍飯，起碼都係中式菜啱味啲
千祈唔好係連鎖咩咩c，咩咩勞，成日聞住同一陣味，食物又炸又乾，食幾日就怕怕 
1個讚
me too…
1個讚
我屋企開茶餐廳有20幾年，有不少員工由開舖至今，佢地都食舖頭野食到而家，所以我會選擇茶餐廳
1個讚
福食
酒樓
茶餐廳
西餐廳
依三個都OK
我諗應該不論咩國家菜既餐廳員工福食都以家常餸為主，細個見酒樓職工用膳都係蒸鯇魚，蒸泥鯭，蒸雞，有一大盤菜。
都見過牛涮鍋員工福食，飯就食外面放O係度果桶，D餸係炒菜芯，幾隻雞翼。係MANU無既野。
西餐廳
雖然我鐘意食壽司，但日日食/經常食就唔好了。
唔會我以前老細開粥麵店，
餐餐都係公司食，
佢話對自己整野食有信心，
有時食到悶，
佢會自己煮出前一丁食，
或者佢媽帶埋愛心飯盒，
愛心湯去睇佢。
如果係豬扒飯，雞翼飯，
湯飯，粥，炒面，
米線，雲吞麵，炸醬麵。
輪流咁食，
咁就唔會食到好悶。
我揀茶記或者西餐廳，因為我一定要食蔬菜
一定揀茶餐廳，多元化啲
同埋做廚房好多時有乜材料起手自己煮
樓面就真係未必有得揀
壽司
其實我鐘意日式西餐，類似薩利亞（未dirty)之前
我爸爸以前開酒樓，伙記係另外煮福食的。住家餸為主，所以我會揀酒樓
該主題在最後一個回覆創建後180天后自動關閉。不再允許新的回覆。