但係就喺到同人嘈
RB好多支持者，一樣批評泥生，呢個應該你地都見到。唔少都好嚴厲，所以大家唔會覺得，佢地盲撐緊RB。
有人話泥生無問題，咁我就算唔認同，我都唔覺得需要透過產生後果，希望對方收聲。呢個同顏色唔同，泥生就算鬧得好無禮貌，呢件事性質上都係私怨為主，睇唔到咩公眾利益。
但係每次「個別」鏡粉，無論爆買金拱門，集體出征覺得RB全隊有問題等等，你地首先話佢地唔代表你，甚至未必係鏡粉。RB呢單野，我證明唔到佢地係鏡粉，咁爆買金拱門肯定係鏡粉掛？
無錯佢唔代表你，但係我幾乎從來無見過鏡粉批評人地爆買金拱門，唔好話同呢種行為割席，相反見到好多集卡開心到爆。跟著會有好多理由合理化，例如港鐵東江水論。如果鏡粉真係是非黑白咁緊要，點解唔覺得幾多人出來勸喻（唔好話譴責）唔好爆買？
作為一個旁人，爆買金拱門感覺比泥生鬧人更加惡劣。呢單野爆出來之前，我甚至叫唔出RB成員名，泥生品行如何，其實真係唔係好關事。
呢到大把人講過唔會因為佢哋買金拱門，我連like 都唔會like 你無見過唔代表無，使唔使續個同你講？
所以我咪話只有反鏡先會覺得鏡粉同黃藍掛勾，邊個話鏡粉一定要係黃一定要擺買金拱門？我都唔明點解啲人覺得fans 支持鏡係因為佢哋黃。幫唔幫襯金拱門係個人選擇，我見唔少鏡粉都話唔會買㗎。
3個讚
因為樓主似乎開post想睇其他人點睇，如果你地唔想睇，咁我唔回應啦
你地圍爐post開左咁耐我都無comment，就算有觀感，亦無興趣介入。
乜都要公眾理益先可以出聲？
有次我喺公園見到兩個細路執石頭掉鴨仔，夠唔合乎公眾理益啦，我走去stop 佢哋真係好多事
佢自己都有bias 講爆買金拱門都要講幾次
所以我講嗰個現象冇針對RB支持者喎，我只係講緊大圍嘅取態，事實上批評泥生嗰啲RB 支持者都俾人話係鏡粉，咁係有個別支持者撐泥生，我都唔會一竹竿話晒RB fans。我都覺得因為個別人嘅發言而打晒全部人係唔合理嘅事。
1個讚
不停啄住呢個point有乜意思？一來唔係個個鏡粉都有爆買，二來喺香港係咪真係可以完全避到買紅藍資本。
舉個例子，如果你住嗰區超巿只得Marketplace同Welcome, 又冇工人湊住2個小朋友，而online shopping唔係所有嘢都可以買到同送到，係咪就算打風落雨都堅持拖住2個小朋友跨區去幫襯其他商店買野？ 係咪如果知同路人幫襯左呢啲超市就要批評佢先正確？睇嘢係咪一定要咁極端？
1個讚
冇人話唔想睇，我諗樓主係想有‘討論’，我自問自己都係理性講我論點，還是你覺得你講完有人持唔同意見就係‘鏡安法’？
我認同你㗎，的確啲鏡粉洗版係好乞人憎，有個別言論都係討厭，所以有人唔鍾意係正常，不過我想表達返其實都有好多理性鏡粉，同埋有唔少扮鏡粉引戰嘅人。
喺依件事上明明有好多花生友，haters, fans 留言，但乜都入晒鏡粉數，連傳媒都淨係講係姜糖洗版，我覺得唔太公平。同埋希望唔鍾意還唔鍾意，是非要分明。
7個讚
係嘅，我唔係想圍爐，我係想知道非鏡粉睇法，多謝大家。唔好燥，大家討論都好有point，但我未睇晒，啱啱放工好攰
我係非RB粉，但四月RB London concert 我一樣撲落去睇，一月Tonic又睇，我知道黃就去撐。RB再開show我相信我照去
呢件事我難過係標籤化嘅現象，我亦見唔到太多人話泥生唔啱，所以都想多聆聽
就係呢個位我覺得唔高興
當然啦好快冇事，只係想討論下個現象
好唔高興啲文化人踩多腳，反而冇話泥鯭本身言論
1個讚
明，其實黑粉扮自己友引戰都係一種常見技倆黎，但外人睇分唔出邊d真邊d假。如果陰謀論咁諗泥生本身桃機係一個trap, 引到鏡粉鬧佢地。而家又多左幾個知名kol 幫泥生口，又引導鏡粉鬧埋佢地。其實再咁落去路人緣會差左好多。
我自己係完全唔追港星，對鏡甚至對tvb姓炎個堆女仔都冇乜感覺。但都覺得鏡/鏡粉近排好似好多糾紛既新聞。我明明記得好早期d 傳媒係讚姜濤eq高有大將之風etc, 但近期我對佢既印象係類似有d 中二病，即係我細個fb打長篇感受但1x 20年後睇番老尷到暈個款。因為啱啱又睇到相關新聞話姜post 左疑笑疑喊疑似崩潰既歌定唔知咩我冇認真睇。有時我會覺得唔回應係最好既回應。
3個讚
佢個post hashtag #dummy 係佢首新歌，嗰啲係佢MV片段， 首歌亦唔係呢件事發生之後先有，之前已經出咗台，不過未正式推出
依家好多人係睇咗傳媒報道之後就好主觀去判斷對錯，冇認清事實
1個讚
咁又係！又哋唱咗咁耐，撈咗咁耐，都無咁紅，無咁多粉絲，無咁多人願意科水買周邊產品。
唔抵得係正常㗎喎⋯⋯
3個讚
主要覺得係呢d咁敏感既時刻，佢既post會俾人覺得回應緊今次呢單嘢。而我自己會覺得好多時講多錯多，不過呢個都係我既主觀意見黎，代表唔到其他路人。
認同你既係，其實好多人都唔會好似fans咁深究或者去了解成件事發生既先後次序，與其話去判邊方啱定唔啱，更影響既係累積落黎既觀感。
1個讚
其實班文化人應該唔妥左鏡好耐架啦，記唔記得陶傑話佢地虛火
1個讚
我接受到陶傑嘅講法㗎，虛火都冇乜嘢，有point，起碼冇叫人做言語治療及x人LM先，連人哋感謝都少人，痴線嘅
Mirror會證明唔係虛火，我有信心
2個讚