其實係佢欺淩姜先啦點睇都係
如果欺淩都算係言論自由，咁我唔認同呢個言論自由
1個讚
講得好岩呀
完全200%理性就唔係迷啦，如果人類完全係理性動物我相信已經絕種左10世，呢個世界就係有感性先出現咁多可能同色彩
2個讚
姜紅就要預咗有haters，做乜都有人話，呢個當然明白，預咗
咁泥鯭喺social media以公衆人物身份咁侮辱人，係咪都要預有後果呢？而家就以受害人身份話被圍，然後話佢嘅人就係鏡安法
4個讚
好似個黑人女演員咁話人哋皇室一家terribly white，咁侮辱咁racist都有，但你睇個社會幾厚待佢？再批評佢就嗌慘被人欺淩
試下調轉丫？我指住黑人一家話佢唔terribly black
白就插得，黑就要保護要特權
我只係想個世界公平啲公道啲
1個讚
接上文同埋回應後面：
最後一句意思，唔係指鏡粉都爆買緊金拱門，所以唔能夠話「一竹竿打一船人」（反而好多鏡粉因為泥生一個成員覺得成個組合都有問題）。
呢個意思係，如果一個公眾人物講粗口、人生攻擊，你地覺得傷天害理，要大量留言、洗版，咁金拱門應該做左好多更加嚴重嘅嘢，不如留言洗版，提醒下大家？
甚至見到有人覺得，RB應該要同泥生割席（應該都唔少），咁鏡粉不如同爆買金拱門果D割席，或者出post「我係鏡粉，但唔會幫襯金拱門」？
如果係咁，我反而會欣賞佢地，同埋唔會associate爆買金拱門落Mirror度、因為只係個別Fans。
泥生呢單嘢，大家都認同言行欠缺禮貌同修養，哪怕支持RB如人人和平，都幾乎見唔到話認同佢說話方式。
問題在於，鏡粉行為表現，讓人感覺要讓對方永不翻生，甚至禍及成隊，好似泥生做左咩傷天害理嘅事，同球哥差唔多。
如果你覺得憤怒，覺得泥生罪無可恕，不如思考下你嘅憤怒來源：
一、你係泥生Fans/RB Fans，對佢失望。
大家明顯唔係，所以不討論。
二、因為有人鬧Mirror。
相信大家唔會認，或者最多承認部分正確。
三、因為一個公眾人物講粗口同人身攻擊其他人，言行惡劣。
大家應該覺得係呢個答案。不過問題係，你地真係咁有正義感，覺得有人講粗口同人身攻擊其他人咁嚴重，必須糾正？
咁當年巴士阿叔鬧後生仔，言語應該比泥生惡劣好多，當初大家見到條片心態係咩？Okay，唔講食花生，就當你當初覺得阿叔唔啱，咁有無覺得阿叔必須真誠道歉，否則口誅筆伐？如果今日洗版、聲討嘅鏡粉，當初同樣標準對待阿叔，可能阿叔都跪左。
因為你地之所以憤怒，在於被鬧嘅對象。
其實不如承認係因為愛護偶像，感到憤怒，或者其他人更加可以理解。但係同時都希望可以理解其他人心目中，呢單野根本唔係好大件事，更無關公眾利益。我地覺得泥生唔啱，但無興趣去參與雙方罵戰，然而鏡粉好似覺得所有人都要好似佢地一樣咁憤怒。同時如果成員做錯事，就要永不翻生甚至連累全隊，道歉覺得唔夠真誠，呢種模式會讓人想起過往歷史，讓人感到心寒。
10個讚
呢個黑女人連人地嫁娶都管埋，唔準唔娶黑人，呢d人正一係黑，黑心個黑
2個讚
我唔知其他人點諗，我淨係代表我自己，我之所以繼續喺度討論，我係覺得依個現象好恐怖，一件好明顯嘅失言事件，因為對象係鏡/姜，所以好多人支持失言者，覺得咁樣冇問題，我覺得RB 或泥生道唔道歉都冇問題，反正件事都發生咗，不過老實講我覺得個道歉聲明拉埋言論自由嚟講係火上加油，但每個人睇法唔同無謂拗。
我著眼點係，一件是非黑白都幾明顯嘅嘢，但一涉及到鏡，啲人都會幫對家支持對家。問心，如果今日泥生鬧嘅唔係姜，啲網民係會幫邊一邊？你話我哋之所以憤怒，係源於被鬧對象，咁好正常啫，對自己偶像梗係特別上心，但轉返轉，好多人支持泥生同樣都源於俾鬧對象唔係咩？利申我冇喺fb 或其他地方留言，我唔認為應該俾件事繼續發酵，亦唔覺得RB 要跪或者點，反正件事發生咗，大家已經有自己立場。我只係覺得，如果大家合理化咗依個現象，之後只會有更多人借侮辱鏡仔嚟make noise, 甚至乎‘攞光環’，合理化一啲對錯分明嘅事。而家嘅大環境就係咁，只係要鬧鏡同鏡粉，無論合唔合理，有冇證據，都大把人share 大把人信，你幫鏡就係鏡粉，依個現象真係冇問題？
14個讚
我都只係想討論個現象多啲，個世界有時實在陌生到我心寒
失言＆侮辱人嘅人，一幌出言論自由嘅牌就變返受害者，被鏡粉欺淩，係我對呢件事嘅睇法
佢道歉真唔真誠已經冇乜所謂，反正佢寫到幾真誠都冇乜改變佢本身個言論。好似佢女友之前都道歉，但一樣已經破壞咗人家庭，唔係話比唔比機會，係同本身件事影響不大
4個讚
我只係想講：如果調轉係鏡仔fb XLLM RB嘅一員，作為鏡粉嘅我一定會指責佢唔啱，呢件事同我個粉嘅 identity冇關，或者我自問做得到分開
但而家大環境就係因為我係鏡粉，RB就好慘被欺淩，香港言論自由受損
5個讚
鏡粉都可以同樣關心你認為更重要嘅事，呢到幾多鏡粉平時都有開post、留言討論唔同社會話題
2個讚
直情係人係鬼都出來抽水，咩事先，乜noise真係咁緊要，定世界已經tiktok化到理解不能
4個讚
咁啲人都係喺fb 度留言，攞件事嚟討論啫，留言又唔係得鏡粉，路人又有，花生友又有，鬧鏡嗰啲仲多，主動挑機嘅又唔係鏡粉，咁點解淨係話鏡粉煩？
我而家冇睇留言，不過早期啲留言都係討論泥生嘅言行，對佢失望，冇乜人話要RB皮要佢永不翻生喎，咁泥生累全隊影響全隊嘅形象都係事實嚟。
調翻轉，姜叱咤之後，一出嚟就好多人鬧佢要佢收皮去死落地獄，永遠淨係提佢掃掃掃你又點睇？
不過算啦，見到依個po 啲討論，我開始覺得大家有晒立場冇乜好講 
我再講都係話我好煩咬住人唔放。我諗我頭先講個胎字都會覺得我撐姜撐到連支那字都撐㗎啦
4個讚
好多人覺得泥生講野無問題？我唔知多定少點定義，事實上大把人話係RB支持者，都覺得佢做法失當。鏡粉唔想被金拱門粉代表，咁點解要一竹竿打曬所有RB支持者？
至於其他人真係覺得泥生無問題，可以照鬧，咁就算我唔認同，我都唔覺得要靠洗版留言強逼對方認同立場，Well你地可以咁做，但係你地嘅做法一樣會讓好多人感到討厭。
你地支持偶像當然無問題，所以我話不如直接D講，因為有人鬧鏡感到憤怒。問題在於鏡粉覺得佔據道德高地，好似所有人都應該譴責對方。
其實呢件事有好多解決方式，就算鏡粉唔係洗版留言，主流意見都一樣認為泥生唔啱（不過你如果唔同意咁我都無統計）。但係程度至於有無需要永不翻生、連累全隊、不接受RB代表道歉，咁係另一回事。而呢個程度，讓人感到到歷史上某D時刻熟悉感。
我覺得大部分路人本身都唔係話覺得泥生啱，但同時都會覺得鏡粉嬲到咁去鬧爆又太誇張，洗唔洗護主到咁。講粗口係唔啱，但成年人出黎社會聽唔少粗口，傷害性其實有冇真係fans 講到咁嚴重？
其實唔係針對鏡/鏡粉，如果泥生係鬧其他團體而對方fans 都係咁大反應，我地一樣會覺得洗唔洗咁激動呀。(針對鏡個d 唔係叫路人)
本身見到呢到都有幾個鏡類似圍爐post, 冇入過去留言係因為覺得咁做得fans一定有濾鏡架喇，唔會專登講d 唔啱聽既說話廢事令fans 心情唔好。不過見上面有會員話想聽非fans既真實諗法，所以又直接講下意見。
6個讚
我幾時話係RB 支持者 我只係話留言者就話我一竹竿打RB 支持者，但件事根本好多唔係鏡粉留言你哋就一竹竿打晒鏡粉
你試吓睇晒啲留言，有啲RB 支持者都被鏡粉咗，依個咪就係我想提出嘅嘢囉
1個讚
你可以無感覺、無人迫你嬲，唔通有人迫你去評論呢件事咩？依家似係你要求其他人收聲多d。
其實泥講嘅嘢我唔會好嬲，最嬲反而見到d haters 鬧人鏡安法。
1個讚
見啲人話迷偶像好似入咗教咁好討厭，如果佢哋覺得呢個說法係啱嘅，咁啲人信唔同宗教係咪都要俾人討厭？
就當fans迷倒好似入教咁，係咪應該都要尊重唔同信仰呢？污名化鏡粉已經係一種極不尊重嘅行為
1個讚