全家0針,點估到捱到今日先全員中,好彩冇乜特別差,普通感冒咁。
以家出面究竟係咪爆到七彩?
我身邊最近都好多朋友中啊,特別之前未中過嘅人中嘅比率好高
當然都有中完再中嘅朋友
近排都多中,但一星期後冇事,多飲水同休息
勁多人中,有/冇打針,未中過嘅,上年年頭中嗰批都開始中第2次,屋企人啱先好翻,症狀輕過上次,我係有小小喉嚨痕,第一次撩完快測,喉嚨痕都消失埋,撩咗幾日都係一線,成家3月開始除咗搭車其餘時間冇戴罩,去完旅行返嚟連搭車都冇戴
我見再中嗰啲症狀好似輕啲
係,我都見好多朋友都 post 相話中左。
係 我親戚屋企人一家中晒
之前從未中過
我屋企都有人中左兩次/中左三次
已經變左流感/傷風咁
唔係中呢隻都好多人傷風咳
我同呀女傷風先岩岩先好返
近來公司都多返人中,好多都係第二次。
有同事話甲流都傳得好緊要
我中過兩次covid,兩三日就好番,3月中流感反而病足半個月
我身邊都有幾個一直未中過,最近齊齊確診
其實而家係爆到七彩…
搭車都成日聽到啲人係咁咳.
係呀. 我全家除咗我, 上個月個個都2星期內中晒.
打金十, 口罩原來都係廢. 用啲錢買定藥看門口啦.
我公司有兩個同事番中, 佢哋都話係好輕微, 頭赤赤, 喉嚨痛咁… 兩個都係休咗兩日息, 全日帶口罩返工, 佢哋精神好好, 唔講都唔知佢哋中…
小心甲流!
周街都多咗人 同咳
成藥又成日被掃清
有同事中完又中covid但有幾個都仲係病得辛苦
公司都好多人中呀,唔知流感定Covid,啲人輪流病假
日日都聽到office啲咳聲環迴立體聲咁
我同我老豆星期一第一次中,阿媽暫時唔係屋企住,佢驗過冇事。
中咗都係輕症,咳嗽(都係鼻水倒流咳,吐嘅白色黏液)、頭三日發燒(38.X度)、聲線變沉、胃口差咗、痾爛屎。
中當Day 0計,我今日Day 4,條T線淺色咗好多。
飲食主要都係三文治、牛奶、豆漿、提子、奇異果、粥(唔一定係白粥)、杯麵、通心粉、腸粉。
最重要多飲水,做足消毒,有足夠休息。
我個女啲 close friends 中哂,之後佢喉嚨痛,痛一兩日食咗中藥,無事,佢快測係一條線,但我估佢病毒量低 test 唔到。
我出完差,都有啲咳,返到屋企休息下食下藥就好返。
總之自己抵抗力好,休息多啲,就 just a flus
只知好多人呢排都中。
我暫時未中,但有時都會覺鼻喉唔舒服咳多打乞痴多,會多飲水同食喉糖。