各位好！我現在37 第1次威記私家症做ivf 講少少背景：我抽卵前嗰大約半年 只有每日飲滴雞精 食materna 23（已含每日要攝取的葉酸）及最少一隻恰蛋 及一星期做3-5日約1-1.5小時的拉筋及帶氧緩跑 戒晒所有生冷野及酒 近年冇睇過中醫調理子宮 （但好多年前睇過d咩婦科好出名嘅中醫 話過我子宮比較寒 我飲左成9劑藥但飲到痾 所以後尾我冇再睇）
開始講番ivf: 今年4月度 我在威記抽蛋 抽到10粒 最後有9粒能授精 finally 6粒去到day 5拎左去雪住 grading都係4AB、4BB、5BC咁上下 算唔錯 但因為早前打促排針關係 影響左荷爾蒙水平偏高 醫生建議我2次period後先放雪胎會比較好 即大概嚟緊6月我會放胎
感恩之前一直check到子宮嘅情況及數據都算係正常 但因為第1次做ivf 我仍有不少問題想請教下各位過來人
：
1）我依家仲有1個月度時間 有少少心大心細去唔去睇中醫調理下 （有冇好中醫介紹下？如有 可DM我 謝謝）
2）我平時M期都偏準 最多前後+/-2-4日 想問醫生講話2次period後放胎即係大概幾時 一嚟完M就放 定正常週期的排卵期放定點？有冇朋友可以分享下
3）我間中臨瞓前就咁熱水浸下腳 但想問放胎後 尤其頭3個月可唔可以浸？
聽說唔可以用太熱嘅水 大概39度已經好夠 同埋宮寒人士不適用落艾草落水 會受唔到暈咁
有冇朋友問過中醫意見可以分享下（2條問題： 頭3個月可唔可以浸？ 滿左3個月又可唔可以浸？）
4）聽說放胎當天起計 連續食5天菠蘿芯及黑朱古力可以幫助著床 有冇朋友請教過中醫可唔可以食咁 或者有冇朋友試過 （因為擔心有風險 所以想問多d人意見）
5）即將放胎 想問下各位過來人有咩需要注意之類
除左以上問題 各位如果有做過ivf 不論成功與否都可以分享下 大家互相支持下 提點下
先謝謝各位 ivf路漫長 大家都加油 祝大家都心想事成！
一黎完M 佢會開始俾藥你食, 目的係控制賀爾蒙, 同埋唔想你果個cycle 排卵。
幾時放係要睇子宮內膜厚度, 醫生睇幾時夠厚先放。
Hello, 我同你一樣37歲，都打算做IVF… 想問下你驗AMH, FSH, LH指數係幾多？我見你都抽到好多卵，grading又唔錯…
我剛出咗報告，AMH 1.9, FSH 17.3, LH 9.55, 仁安話我指數差(加上我老公d精都係差), 所以叫我直接做IVF, 但講到咁差我都有d擔心到時抽唔到幾多卵，或者grading會低…
唔好意思答唔到你問題反而問返你轉頭…
(P.S. 我同老公食咗成年Fairhaven嘅supplement, 我近半年都每朝飲滴雞精，都有盡量每朝食一隻蛋，最近拉埋老公一齊睇中醫… 不過係冇做運動…)
你個醫生都幾好
唔會叫你浪費時間試iui
有d 醫生會堅持試 3 次iui 唔得先俾ivf
我睇仁安董醫生
我諗因為佢見我哋年紀都大同埋底子都差，本身佢睇我老公上年喺其他lab驗精嘅報告，都有講過d精嘅質素連做IUI嘅最低門檻都達唔到，係唔會同我哋試IUI… 但我老公再驗多次精後d指數有進步(但都係差), 醫生有講話都可以試吓IUI, 但到我剛驗埋AMH嗰d指數，就話好差呀叫我哋直接做IVF…
雖然我同老公都早有共識，覺得與其試幾次IUI而成功率咁低，不如將d錢放埋落去做IVF… 但講真呢，我自己個抽血報告未出時，我都有期望或者自己d嘢唔太差呢… 可以嘅話都想IUI冇咁痛苦… 但到尋日姑娘打嚟話我d指數好差呀，嗰刻都灰灰哋，同埋如果咁差，其實做IVF都難成功… 然後又睇文見到話AMH呢d係無法逆轉，即係我食幾多supplement又食中藥又飲滴雞精又浸腳又盛咁，其實都冇用咁…最驚抽完卵出嚟都冇靚嘅卵可以用…
1個讚
明白你既心情, 俾我都會失望。
但我同意直接做ivf 抵d, 的確iui 真係一次性, 好似得10% 左右成功。反正都係要日日打針打足半個月去谷卵, 不如直接搏ivf
聽聞佢好受歡迎, 要排好耐先見到佢?
Leila
10
本身4月打去約，係9月先有得睇，但之後有日姑娘打嚟話5月初有個期甩咗，可以畀我攝上嚟，所以好快睇到，我諗佢都係見我都37,38所以畀我攝上嚟lol…
1個讚
CCKWQ
12
懷孕前可以先去暖宮，黎m可以熱敷
懷孕可以浸腳，但溫度唔可以太高，建議38度左右
頭三個月建議溫度可以再低d，因為聽講早期係bb個腦同神經發育既時候，太高會影響發育
我知道要keep住食葉酸，到時醫生都會同你講
盡量避免食太多有中藥成份既食物
避免涼性辛辣刺激既食物，盡量唔好飲咖啡同茶(適量可以)
唔好做腳底按摩(穴位好多)