唉，而家啲人爆完粗鬧人就道歉，咁一開始點解要講？要咁刻薄？
然後個個都冷嘲熱諷話鏡安法
其實成個過程姜濤都好無辜
不如調轉：如果係姜咁爆粗話其他歌手後果會點？一定全城圍插
我認我有偏見
以下摘自娛壹：
疑嘲姜濤感言「係咪short X 咗？修哥都講唔出啦」
寸ViuTV：又一個大台誕生
RubberBand泥鯭諷驚動鏡安公署：與有榮焉
#MIRROR 成員 #姜濤 在《CHILL CLUB推介榜 年度推介22/23》奪得年度男歌手銀獎，發表得獎感言時，逐一點評11位隊友，並向他們「示愛」，令隊友相當感動。
當晚奪年度樂隊銀獎的 #RubberBand 缺席，但原來鼓手 #泥鯭 （ #黎萬宏 ）有留意頒獎禮，更在社交網連環出po，疑似嘲諷姜濤、MIRROR及ViuTV。當晚由主音6號拍片致謝，他在片中表示多做音樂少做無謂嘢。泥鯭似意有所指，發文：「唱好啲歌先做啲小動作啦 #全晚最啱聽嘅評語」。
之後泥鯭連出多個po：「多謝說話定係”鼓勵”說話？！WTX？！係咪short X咗？！修哥都講唔出啦」。又謂：「下屆叱咤司儀會點玩呢段感言？」。
對於賽果，泥鯭似乎不認同：「嘩，XLLM，頒唔尷尬，攞唔尷尬，唯有睇嘅尷尬」、「又一個大台誕生」、「依家諗返當年亞太區最受歡迎男歌手真係”實至名歸”」。
泥鯭的惹火言論，變成雙方支持者罵戰，但他繼續表達自己的睇法：「歌迷會夾份請個寫手同看護畀佢啦」、「建議先做言語治療」、「我想喺度嘥大家小小（少少）時間，我要借呢個機會去多謝我隊友」。
雖然被鏡粉及姜糖圍剿，但泥鯭今日再轉發多一次「多謝說話定係”鼓勵”說話？！WTX？！係咪short X咗？！修哥都講唔出啦」，並留言：「與有榮焉」，CAP圖更用寫有「鏡安公署」的banner圍住，火藥味十足。
#娛壹
1個讚
以下係RB道歉聲明：
對於隊友近日失言而引起的風波，
我們感到非常抱歉。
經過隊友間反覆討論，
今次事件確實得到一場反思，
在仍然堅信社會應要存在自由的言論空間的同時，
我們亦深明表達手法、尊重不同聲音的重要性。
對於是次事件引起之擾攘爭持，
還有浪費了公共媒體資源，
我們希望藉此向各受牽連單位及人士致歉。
佢地隊band唔跪其實影響好大
我肯定第一個中槍既一定黃小姐
好多人一講條友既人品就馬上牽連佢女友黎講啦 
（包括我）
P.s.條友叫咩名我都唔知 知都唔識打果個字
2個讚
我唔理佢私人嘢
但如果佢咁插姜＆VIU，我以事論事：佢應該先帶RB永遠杯葛Chill Club，唔好縮埋喺keyboard後面
4個讚
我唔肯定：殿堂級LMF有冇做過呢啲核突小家嘢？我記得冇
姜濤講得獎感受都唔得？其他人講多謝屋企人又唔得？
依家d haters 嘢嘢都用鏡安法嚟鬧鏡粉，痴哂線
6個讚
我個人覺得泥鯭過份，佢鬧得人，我鬧返佢就係鏡安法？損害佢言論自由？
佢有種就好似秋生咁乜都撐到底，而家道歉又係以受害人咁覺得比鏡粉bully
個Q個都用呢招
3個讚
成日話viu 頒俾親生仔，叱咤嘅獎都係差唔多俾造星出身嘅包攬哂。唔同頒獎禮嘅機制都唔同，老人台係自己決定，viu 一人一票，叱咤睇播放率，唔同意咪杯葛個台囉
2個讚
A_lcy
10
連d haters 都係咁，我啱啱先話Soching 都俾人用d 好難聽嘅說話插，好過份
1個讚
A_lcy
12
鏡仔之前真係無聽廣東歌好耐，唔啱聽咪無留意，邊似得依家d haters， 憎佢哋又追住嚟睇追住嚟鬧
3個讚
有關當局點會接受香港有隊人咁本土唔使返大陸，仲要唱英文歌
搞事中
你懂的
而家基本上講少少支持鏡嘅說話，就一句「鏡安法」，第二句話你「鏡嬸」。
好心淡，支持自己鐘意嘅嘢都比人冷嘲熱諷。
9個讚
因為佢哋出新歌，所以等登擺姜濤上台，做noise, 不知所謂
6個讚
姜唔係完美，唔係唔比得人插，但泥鯭爆晒粗咁插佢，有失尊重同大體
插佢唔係因為鏡粉，就算泥咁話炎明熹我都覺得過份，當然心態上會食花生多少少
7個讚
同埋我份人比較膚淺，冇我泥生咁通透，我都唔係好知姜嘅說話有幾過份？
A_lcy
20
自從演唱會之後，d haters 傾巢而出咁，等到佢哋出返嚟，或者唔關佢哋事嘅新聞，都攞出嚟鬧，我都覺得心淡。
聽到姜濤 AL 兩個嘅言論，希望佢哋心理真係夠強大。
2個讚