香港童裝品牌 CHICKEEDUCK 宣布 6 月 30 日後全線停業。品牌昨日(9日)晚上在 Facebook 宣布,CHICKEEDUCK 位於銅鑼灣的最後一間分店將營業到 6 月 30 日,其後正式結業,網店亦同時停止營運,形容有關決定「無奈」,「對我哋嚟講係一個極其艱難嘅決定」。
CHICKEEDUCK 表示,在經營歷程中一直致力提供最好的產品及服務,感受到大眾對品牌的愛,感謝大家一直以來的支持、信任和愛護。品牌稱結業前最後兩個月,產品售價一減再減,務求令大家在最後機會可以低價購買產品。對於早前童裝業務結束後,有顧客查詢是否仍有童裝售賣,品牌稱「我哋真係唔識答」,呼籲大眾趁最後機會到訪選購產品。
3個讚
我小朋友細果時, 我好鐘意買CHICKEEDUCK
社運之後, 我更加欣賞呢位老闆.
係就係, 唔係就唔係, 大不了咪唔做囉~
呢D先係有吉屎既有錢人
希望佢一生平安快樂~
(好似已經去左英國? 點都好, 好好生活)
4個讚
我都係,之前小朋友細個成日買佢D衫。
我仲記得嗰時搵藍色羽絨返學用,搵咗好多間都無,之後俾我喺chickeeduck搵到,quality好好
1個讚
我好鍾意chickeeduck 童裝
款靚質素好,就算未有社運前已經買緊
由前年開始密密買定左一堆童裝
依家買落嗰堆,小朋友著完我唔會送俾人喇
當留個紀念
好可惜,以前讀小學阿媽就已經成日買佢啲底衫保暖,穿曬窿都照著。
我黎左英國兩年半, 仲時不時收到有人喺香港買chickeeduck比我啲小朋友以後唔賣,我地更加會珍而重之!
2個讚
我之前已買定唔同碼Chickeeduck嘅褸俾仔女,品牌完結後仲可以著到幾年。希望周老闆同家人安好
依家仲有無童裝賣?上佢網店得返兩件
諗住去門市 但驚都係得個啲款
system
於 關閉
13
該主題在最後一個回覆創建後180天后自動關閉。不再允許新的回覆。