想請教下 如果小朋友過到英國 英文跟唔上 一般學校會點處理？有睇過話學校會將小朋友以能力嚟分開教，有助教另外幫補英文等等⋯⋯
背景：依家3歲、5歲 住緊嘅國家英語教育水平唔高 取得資源嘅機會少 成本高 盡量自己喺屋企教/ online class /可以的話出去上下堂
預計去到係一個year1, 一個year3
聽同講我覺得小朋友去到好快可以pickup
比較擔心係讀寫
想睇下有冇親身經歷可以分享下
咁冼個、大把時間浸、完全唔冼擔心。我仔女去到浸一年已經同鬼仔鬼妹玩到顛、學校亦有類似ESL的免費補英文，你到時候可以問下你仔女學校。
邊個國家英語水平唔高呀？
聽到你咁講 我都安心啲
可能我都仲係用緊hk套mind set嚟思考
我小朋友到英國時year 3 學期尾插班，建議同小朋友練下listening 同oral, 寫作嘅可以睇多啲書，會好有幫助，我小朋友就係初初返學聽唔明老師同學講乜（佢話佢哋講得好快，佢聽唔切，最初唔適應有壓力，會肚痛同嘔），學校派咗個同學仔照顧佢，我就日日伴讀，慢慢就好好多了，不過老師都係要佢多多閱讀，因為啲詞彙唔夠，而家year 4 埋尾，聽同講都無乜問題，佢有時會講返上堂教咗啲乜，係寫仲要浸下
你有心教一齊伴讀已經成功一半。
之前英國語言治療師同 ESL 班導師有同過我講，話從來都最唔擔心華人上堂，最擔心反而係印巴中東非洲呢啲。佢話華人黎到英國點都識幾句英文，嗰啲“老友”可能係政治庇護或者避難，成家都唔識英文阿爸阿媽都要上 ESL，有啲送去語言治療嗰啲根本唔係語言障礙，而係唔識英文所以講唔到。
有學校收你咁佢地都 expect 你係有 ESL 需要。
放心啦，Year 1 Year 3 英文唔驚，唔會太深，你話 Year 8-9 咁就驚啲。我識個朋友個前年去加拿大讀 Grade 5，疫情嗰陣佢混齡 Grade 5-6 一齊上堂。佢讀官小咋，不過我朋友有請人補習教多啲，去到讀書英文次次 assessment 都爆分。完全 no problem！
依家網絡資源發達，好多學校因為疫情都有擺 worksheet 上網，上 Google 打 “uk primary school Year X worksheet”，大把資源。只要你英文唔差，有中學畢業程度，已經夠曬！加油！
補充：其實讀寫你最唔應該擔心，最擔心係聽。如果學校唔係收得多外國人嘅話，佢地唔習慣遷就語速。小朋友聽唔明就會好 frustrated。呢個唔係讀幾多年英文就得，就算係香港讀足 12 年 睇慣美劇英劇，去到英國都未必第一時間適應語速同用字，尤其唔係南方口音嘅人講嘢。我試過有事打電話，接聽嘅係一個 Liverpool 大媽，我聽到呆左一句都聽唔明，第二次打電話，係 Glasgow 啊叔，我又聽到靈魂出竅。
唔知你住嘅國家依家有冇英國家庭，如果有嘅話，可以同安排 playdate 鼓勵講同聽英文。另外依家網上有好多 1 對 1 學語言公司，臨去前一兩個月上下幾十蚊一堂，習慣下聽英國英文。
3個讚
好彩有上嚟問一問
多謝你
咁你小朋友有冇上ESL嘅堂？
多謝你嘅資訊 跟埋你講嗰啲盡做啦 希望幫到佢地最多.
請問係咪每間學校都有ESL班嫁？
無
不過學校有SA同佢review d phonics sound, 同埋上堂有個老師同佢伴讀，本身仔喺香港都有讀phonics, 所以問題不大，嗰時係聽同日常oral未達標，要多聽多講，校長嗰時有話正常嘅慢慢來，比啲時間佢
1個讚
我哋上年嚟，1個reception , 1個year 2,喺香港冇請工人冇英文語境冇補習。返咗學8個月， 兩個上堂聽得明，基本溝通冇問題。我兩個小朋友性格內向，融入方便未算理想，但咁細個比多啲時間佢哋就冇問題嘅
唔使太擔心
5個讚
小朋友好快pick up 到，放心
1個讚
我地2021年尾黎，細嗰個2022年reception, 大嗰個等左一輪學位之後，2022年3月year1, 9月去左另一間讀year2, 我自己湊又無姐姐，好少講英文，因為喺香港都返開英文教會，所以大嗰個好快融入，溝通零問題，老師話佢喺學校好受歡迎。
細嗰個喺香港返左3個月k1就過黎，黎左英國無返nursery, 只返local教會，導師同哥哥都話佢平時返嗰陣時唔出聲，在家玩都用廣東話。到9月返receiption, 日日返學放學喊左2星期，日日問係咪返埋今日就唔返喇，跟住過左2星期突然好開心，返學2個月後喪講英文，連在家玩玩具都講英文
同我講嘢都用英文
你擔心點樣keep返廣東話同正體中文好啲
4個讚
同感
我2個小朋友過到嚟，大嘅插班yr 2，細嘅nursery
屋企本身無英文語境，香港淨係讀左2年英普班（但疫情停課下其實唔係返左好多日學）
嚟左半年，兩個依家日日滿口英文
成日俾我鬧佢地要講返廣東話
睇啲廣東話卡通片
我估除非去到Year 8, 9否則好難跟唔上
唔sure嘅
我小朋友香港讀普通小學 無補習無工人無英文語境既
黎到插班year six, 初頭聽唔明同學老師講乜,無朋友,而我小朋友間小學係無任何支援,亦無安排同學之類幫佢,班主任叫我比時間小朋友自己適應,好彩返學兩個月後開始聽得明+同啲同學熟左
而家yr seven中學, 問過英文老師,英文寫係弱少少,但老師話以英文唔係母語黎講+黎左一年幾,叫我唔駛擔心
由於中學喇都大個啦,我完全無幫佢,叫佢自己上堂聽書(屋企連教科書都無 學校用電子野上堂 功課都係電腦做),學校評估完我先知,肥佬左係啲閒科,音樂,法文,電腦,而主科英文數學science又合格
另外我小朋友有keep住睇中文書,我地係屋企講中文既。但佢話好多中文字已經唔記得點寫。
我要求好低,要識睇同讀中文字,唔記得點寫就算數。
真心,反而擔心小朋友唔識中文或者唔肯講中文
,
2個讚
我最擔心係融入唔到同學. 唔係指普通禮貌相處, 係真正混熟做朋友.
我明,因為我都係咁擔心
而家中學佢都無乜好熟既朋友,但都有幾個同學既電話,會whatsapp幾句
間學校唔覺有香港人,有幾個國內既,我嗰個又唔想識佢地,仲要扮唔識國語添
識朋友真係隨緣,我但求佢返學無比人bully就ok
3個讚