（唔好打頭）
住得400幾尺咪生一個囉，學費俾少一份，環境改善咗先生第二個！
1個讚
你都幾涼薄，算啦唔生仔最好
好現實，生兩個但夢想住公屋唔做嘢，同生一個但靠自己努力工作向上流，我會揀後者
如果決定生兩個就唔好介意住400幾尺私樓太細，食得鹹魚抵得渴
第二個係意外懷孕就另計，如果唔係點解覺得住得逼又要生？
5個讚
其實我都有d fd 係心思思想生多一個，但係因為屋細又唔想花一大筆錢換樓而卻步左。如果生2個同性，2房大家逼下都算。但如果唔同性別，青春期都係分房好d。
正是，亦係好多公屋人嘅悲哀，好多時其中一個仔女要做廳長，無私隱好慘。我嗰代都唔少呢啲例子
1個讚
有d 公屋細到無房，大人都唔方便啦。
我識有個女人，生完一家三口搬入阿媽到住，300呎唔夠，之後仲生到第二個，我第一時間心諗，點製造呀？
2個讚
我媽當年就係200零尺公屋生咗兩個，佢仲要同99住。佢陀我妹嗰陣，真係有friend問佢：你屋企又有99又有bb，你點製造到阿細㗎？
我媽無話我知佢點答~
不過我妹好慘，佢滿月就送咗去姨姨屋企寄養，一星期只返一次屋企，直到兩歲我哋搬去唐樓住。
可能我有咁嘅背景，所以生仔一定諗夠唔夠住先…
1個讚
拉高人均居住面積，當中包括一個重要因素。
我係上面都有提到，『 有部份住戶除名 + 住客內有六十歲以上人士 』，房屋署就不能已（寬鬆戶）理由提出調遷， 係咁嘅情況之下，就會出現人少住大屋。
現在香港好多這類老人公屋邨。
1個讚
因為咁而冇左流轉，呢d老人都後生過，住左幾十年公屋都草唔到錢上移，怪得邊個，根本公屋就唔應該住一世
一人申請唔同架、係計分制的。不過一申請已經入左條隊計分了、不是未入到條隊。2人或以上申請不用計分、直接一申請便拿號碼、跟號碼排、2人的話排新界大約4年已經上樓了、睇地區供應、例如出年擴展過萬單位落成、排排下新界可改排擴展咁。
我覺得可以比第一代申請的住到老、大前提要睇埋佢大陸/全球資產。太多大陸有屋甚至有地收、仲住公屋。及二、不可留比下一代。下一代冇本事就自己去排過公屋。及三：靚市區地不可再做公屋、反而做綠置或居屋、比人置業/向上流。
該主題在最後一個回覆創建後180天后自動關閉。不再允許新的回覆。