房屋委員會資助房屋小組上月底通過「居屋2023」計劃推售6個新樓盤，亦拍板收緊綠表買家資格，資助房屋小組委員會主席黃碧如會後透露，房委會擬檢討公屋富戶政策。
據了解，房委會上周曾舉行集思會，當局在會上提到有一半持有「定期暫准居住證」的富戶（即入息資產超額住戶，需在指定期內遷出），會利用12個月「暫住期」，趁機轉移資產，以重新符合入住公屋的資格。會上委員傾向認為長達一年的暫住期是濫用公屋的漏洞，有空間收緊。
消息人士說，會上亦有談及是否修訂公屋「世襲制度」，惟不少委員認為問題複雜，憂慮調整後會衍生其他社會問題，故暫未能達成共識，房屋署將會基於委員的意見，研究調整富戶政策的方案。
房委會2017年曾修訂過富戶政策，根據現行做法，公屋租戶在入住10年後，才須申報資產，隨後每2年申報一次，若租戶的入息及／或資產限額超出富戶政策要求，房屋署將會發出遷出通知書，但可酌情批出「定期暫准居住證」，讓相關富戶繼續暫住最長12個月，然後會要求入息或資產不符要求住戶立即遷走。黃碧如早前表示，房委會現有約80個暫住證持有人。
消息指，房委會上周曾舉辦集思會，討論到現行富戶政策的問題，根據當局提供數據，約一半收到遷出通知書的「富戶」，會在暫住期內的12個月，趁機轉移資產，「可能將個物業轉到其他屋企人名下，然後同房署講，我已經冇嗰個資產，我應該係有資格繼續住喺公屋。」這種做法惹來外界質疑：「係咪造就咗一啲人利用呢個灰色地帶去濫用公屋咁珍貴嘅公共資源。」消息人士透露，會上委員已達共識，認為12個月暫住期是公屋濫用的漏洞，故有空間收緊富戶政策安排，但未知房委會最終擬修訂的內容，是否會大幅縮短「暫住期」。
消息人士亦指，會上另一個討論重點為公屋「世襲制度」。現時公屋住戶的子女，可以在戶籍中申請加名，日後可繼承父母的公屋，外界過去有聲意認為是不公平。不過，消息指此問題牽涉範疇大，十分複雜，難以一刀切處理，憂慮大幅改動現行機制將會衍生更多社會問題：「如果唔畀後生去用長者quota（配額），係咪鼓勵唔到啲後生照顧自己父母？」消息指，在此問題上房委會委員暫未達到共識。
公屋聯會總幹事招國偉表示，大部份公屋富戶都會在落在加1.5倍或雙倍租金的門檻，現時涉及暫准居住的「超級富戶」只有約100個，故收緊政策對整體公屋流轉影響不大，惟若大幅削減甚至取消暫住期限，或會造成很大影響，認為當局應小心處理富戶政策中暫准居住的問題。
招國偉：點收緊都好，住戶唔想跌出門檻，一定有方法
他又關注，若政府有意改動富戶政策，或會重新檢視入息和資產限額，令資產值高但入息低的租戶受影響，例如貨車司機和長者等。
他又提到，房委會在2017年曾以公平為由檢討富戶政策，惟至今因不合資格而被收回的單位數目不多，反映政策對公屋流轉的影響不大，「你點收緊都好，住戶唔想跌出個門檻，佢都一定有方法。」他認為不論是檢討富戶政策和「世襲制度」，均要對準目標。他續指，近年社會對富戶不公的聲音愈來愈大，主要是因為現時公屋供應嚴重不足，輪候時間亦非常長，缺口太大，才會惹起社會對富戶不滿，故增加公屋供應才能對症下藥。
講真，如果啲樓價唔係離地，好似以前咁，個個都覺得搬走先係好事，就唔會爛公屋都霸
2個讚
應該係⋯⋯
窮人住嘅私樓會愈來愈殘。
富人住嘅私樓會愈來愈貴。
政府新建公屋會愈來愈靚。
2個讚
呢樣野就真係英國好過香港嘅
係香港你讀幾多書搵幾多錢都好，你買間私樓可能環境面積都差過住公屋，其實好氣餒，但係英國你努力搵到錢買私樓，環境係好過公屋好多，所以有能力嘅話都冇乜人想住council house，咁先形成到向上階梯，香港公屋起到咁靚，仲有仲邊想再上買私樓
1個讚
私樓環境我覺得好過公屋嘅，但太細，一家幾口住三四百呎
我喺香港兩個住五六百呎已經係人生成就，同英國朋友講佢哋話不可思議：咁細點住？頂
1個讚
而家新盤有啲affordable rent都好靚架
喺香港同人講兩個住五六百呎：會比人打；
係英國同人講兩個住五六百呎：不可思議、咁細點住 
By the way 香港公屋得個樣, 我上過去, 3人3 百呎,2 公婆+個讀中學既仔女, 其實好迫下…仲要冇得揀地區,方向,大細…得3次派樓機會
我細個唯一既志願便是將來不要住公屋、even 我未住過但去過都知好雜、及塔lift見男人唔著衫, 我本人不求住豪宅但都希望生活得有少少少少質素zzzz
呢面好多1房apt都係500，600尺，又未至於冇人住
2個讚
我諗成個對話我有講過呎價佢哋先驚訝，我早幾年嚟英國玩講我層樓500幾呎個60幾萬磅，佢哋已經係有見識嘅人都不停話crazy crazy
我都話：其實我哋香港人都冇得揀
這些事情，你明，我明，好多人都明，唯獨是制定房屋政策嘅人，詐唔知！
2個讚
盡量脫離公屋，唔係歧視，係人應該要向上望，離開到而留返比有需要嘅人
我見過both恐怖及非常好環境嘅公屋，冇偏見
少係rent，多數share ownership，都要自己俾錢
2個讚
但總有啲人覺得香港人全部都超高人工，所以啲嘢先會咁貴
我話有人高人工，but not me
新公屋我可以講絕對比私樓好，對面有港鐵站，樓下有超市公園，有幾多私樓有呢個環境
2個讚
的確係
有d 一見夠期要報資產就轉走資產番大陸戶口
或者其中一個仔女出身搵得多錢就除名, 但照住番響度。
或者搵d 專出現金糧既工唔報入息