睇見都覺得佢哋好慘。
不打不成材系列??
唉, 呢D係咪社工可以跟進, 帶佢地離開呢個家,
免佢地受皮肉之苦 
所以有時候都諗打小朋友都會打上隱。
睇到佢地個慘樣, 仲邊打得落手
個媽呢？
又係中港家庭
個媽係電梯口暈咗。
我今日睇呢單新聞，話個爸爸已有十幾年抑鬱症 (不過無提有無食藥或者見醫生社工咁)
而一直都係媽咪賺錢養家
事發時係個17歲仔仔走入廁所報警的
而媽咪同保安喺門外，警察爆門入去後制服個爸爸，女女有即刻衝出去媽咪度，而仔仔一直都唔敢出嚟繼續喺廁所。
直至警察話俾仔仔聽安全佢先敢走出嚟
女11歲，仔讀緊中四。
話3歲開始打仔打到17歲。
難怪啲屋企人都驚左佢。
呢度都有谷友講過佢個老公成日打個仔，唔正視遲早出事
最怕個阿媽心軟又唔肯搬出嚟
會，我阿媽打到我大學畢業都有打，可惜人工唔夠支撐租屋。以前係谷氣冇地方出氣，屋企人多又唔可以搞嘢發洩，靠打人出氣。原本好少事例如食飯飲水漏口、食飯太慢、叫兩次冇去執書包，就已經出動藤條，甚至係發燒屙嘔肚痛都打人。點解病左都打人？佢話我病就累佢做多啲嘢，佢又會好容易畀我惹病。的確係佢要做多啲嘢，但小朋友就係經常病架啦。演化到有壓力就發洩落仔女到，但仔女有壓力只可以啞忍唔可以還手。
上年親戚惹到我中招，病到九彩。佢又打又鬧，話我累佢地中招病埋。如果我係日日夜蒲唔戴口罩，咁我抵打，但我嗰陣 WFH，我根本都冇出街，擺明係被動感染。
下，你阿媽咁㗎，你快啲搬出去住啦，同朋友合租
就係人工唔夠搬出去住。唯有就係早出晚歸，減少見面時間。
有同事見到我啲傷痕，問我係咪被家暴，我都唔敢講太多。我阿爸身體唔好，醫藥費又貴，已經扣左我人工一半。佢又一定要有人 24 小時服侍，我阿媽就係個照顧者。請唔起工人，請到又冇地方畀佢訓。貧窮限制自由！
直頭係家暴啦，不如你揾社工求助，可能安排到宿舍/公屋，上次睇新聞話如心酒店轉做青年宿舍，不過唔知你幾多歲但你咁大個都俾阿媽打而你阿媽似乎有精神病，遲早出事㗎
保持距離，反正無傷亡，做場大龍鳳，分分鐘可以拆戶，分多間公屋
嚇死
辛苦你喇
言談間都感受到你既無奈
祝你早日脫離苦海