出大city要坐兩程車，計埋行同等車大約40分鐘
出附近town仔（得本土小店，冇大牌子，有大超市）一程車大約20分鐘
咁樣算唔算方便？接受到？
接唔接到要睇自己。。住慣香港一開始未必接受到。。
你最好睇埋大概幾耐一班車。。
同埋你預咗自己日日咁樣搭定係幾日一次？目標係咪考車牌？
2個讚
我覺起碼要步行去倒超市先叫方便啲啲
3個讚
香港有人要住商場樓上
西貢村屋亦有人住
我就住商場樓上，我麻麻地
好正常，初初是難適應，除非住Town，住屋會貴啲，要取捨。所以你要考車牌。同埋不能用香港去比較。
我預一兩日出去一次
因為我唔洗返工
咁平時都唔急唔趕既
我唔會考車牌㗎喇
不過老公有渣車
只係你地兩公婆？！咁你怕唔怕等車凍/吹風？Check 吓D班次密唔密，睇下自己接唔接受到。。
我覺得如果只係你兩公婆，你負責睇住頭家，唔需要趕時間返工/接送返學，自己時間自己就，20分鐘都正常，我自己覺得唔難適應，但就係要就班次囉。
1個讚
正常。
如果醫院郵局圖書館超市都 45 分鐘內，車站唔係食西北風位，我覺得可以接受。
英國送貨好方便，買滿幾十鎊就 free delivery，冇大牌子店鋪都唔洗驚。
如果唔需要日日出出入入大城市，騰出騰入接放學，我覺得呢個距離完全 perfect 添。
有人行多步都懶
有人日日行一個鐘番工都得
睇你自己
1個讚
咁你屋企附近有咩？
我日日都係咁返工、放工，完全接受到。我仲要轉三程車添，不過發現咗踩單車方便d, 嚟緊天氣好就踩下。
如果個town仔可以解決日常80%衣食娛樂, 同埋如果你部車行唔到可以有辨法搭公共交通工具出town仔同大town, 我覺得可接受. 當然人人對偏遠定義唔同, 你可以租住先感受下.
你有冇返工嘅考慮？住太唔方便嘅地方返工都可以係障礙
唔算太差，如果搭巴士，就算ok
其實咪好似住西沙路搭十幾二十分鐘巴士去馬鞍山買野咁, 又唔算好唔方便
如果你唔揸車，我覺得你都係搵D廿分鐘步程內可以買到嘢嘅地方好D，住耐咗你冇可能次次等你老公車先可以出去買嘢，有時悶悶地想出去行吓都唔得，同埋突然間要見醫生、買藥，我老公就試過執完花園之後一隻手腫咗，睇咗GP俾咗D藥膏佢揸，但揸咗兩日，變咗兩隻手都黑晒，於是再打電話去GP要求睇盡快醫生，聽電話嗰個起初話要等下個禮拜，講講吓話今日有，但個booking係響半個鐘頭之後，我哋都冇車，好彩嗰間診所都係行半個鐘頭就到！
雖然英國D巴士班次疏，有時又唔準，但都好過冇。有D地方太偏僻，連Uber都未必肯入，call的士都要等好耐，我覺得唔識揸車就要留意埋公共交通係咪方便。
題外話，我建議你先唔好諗住唔學車、唔做嘢，因為你嚟到心態上可能有變，我唔知你屋企有冇其他人，如果佢哋日間返哂工返哂學，咁你日日困響屋企，你係咪真係接受到？你響英國住落咗，情緒就可能出現，到時你可能會覺得需要重新建立你生活圈子，識吓人，你可能會想去做義工、返吓part time、教會、去學英文，如果你想參加哩D活動，但因為交通問題去唔到，你會好慘囉！
1個讚
該主題在最後一個回覆創建後180天后自動關閉。不再允許新的回覆。