想問下雙子宮媽媽懷孕中或者已經生左可愛bb的注意事項同產檢情況
同埋係咪都係開刀比較多？
另外我聽醫生講雙子宮早產同流產機會比正常孕婦高 唔知有無過來人可以分享下
我順產
醫生都有講早產、流產同小產嘅機會都比一般人高
所以我要去醫院產檢，冇得去健康院產險
唔知關唔關雙子宮事，我b預產期個日出世，雖然足月但細粒d，不過都足磅出院，收水唔算多，冇黃膽或者其他問題
同埋醫生話100個雙子宮嘅女性，有d得一個腎，但比率唔記得幾多
2個讚
我想請教下果陣陀住bb有無特別小心 或者頭三個月盡量臥床 因為我依家8週 大概3週度發現懷孕就開始係屋企休養 同埋妳係公立定私家生ga？ 我都係聽人講因為子宮比較細所以bb出世係比較細粒 不過妳好叻 可以順產 宜家bb幾大個na？
我喺跌親先知自己有咗，個陣踏入第6週，第一次產檢完就流鮮血，擔心到去急症，但其實都冇嘢可以做到
之後私家醫生寫紙由第7週放假放到第10週，其實醫生想我放長啲，因為我keep住流啡，同我份工好操勞
放假個陣時間我有睇中醫安胎，亦每星期去私家產檢，所以我放到第10週，覺得自己狀況ok，就要求醫生俾我返工
我陀個陣早期唔係好食到嘢，到中後期好啲，但成個孕期都瞓得麻麻地，好易醒又瞓得少，所以可能令bb唔長肉
我個陣瑪麗生，而家bb踏入15個月，都感恩佢雖然出世得5磅幾，但唔算多病痛又聽話易湊
3個讚
咁就好啦 多謝靚媽分享 希望bb健健康康 快高長大
1個讚
我都祝你整個孕期陀得順利舒服，bb平安出世
加油，放鬆心情好好享受屬於你同bb嘅每一刻
1個讚
謝謝你呀 好開心有一個同我有相同情況的媽媽可以同我分享呢！
1個讚
唔好客氣，難得你讓我有li個分享嘅機會
我個陣冇人同我分享經驗，由未有bb到陀bb都好擔心，到後期喺肚入面又話個b頭、身嘅生長週次，一週細週一週都好擔心
不過好彩bb順利出世，每次去健康院見bb嘅生長線冇跌出3，暫時又冇其他發展上嘅問題，又係一個開心b，都叫鬆一口氣
加油呀，開開心心咁陀bb，好好享受懷孕帶來嘅體驗
3個讚
兩位都好利害
大家都身體健康
2個讚
係呀不過香港好少呢啲案例。所以我都好擔心，因為呢醫生話80%都係順產唔到，因為好容易胎位唔正。所以我都諗緊公立醫院醫生會唔會因為雙子宮緣故安排開刀。你嗰陣你有冇同醫生講你雙子宮呢個問題，佢係咪觀察到37至38週先決定開刀定順產？因為我問咗啲正常子宮嘅朋友都係觀察到37至38週先決定開唔開刀，然之後39週就開刀生。
係咩？
我個媽媽group好似都有兩個係咁，我以為香港機率細，但都唔少人係咁添….但另外兩個媽媽好似都係開刀
我個陣早期去政府產檢有講呀，但一直都冇醫生建議我開刀，包括我自費嘅私家醫生
可能因為我女有掉頭，同只係臍帶繞咗一圈，冇特別啩
不過我喺瑪麗生，喺產前房d護士都冇特別mon住我，可能佢哋冇留意到啩
好厲害呀你！最後你係幾多週順產ga？果陣懷孕期間你有無試過另外一個子宮黎period呀
同埋有無話胎盤低的問題
period應該係同hormone有關, 只要有懷孕就唔會嚟M
我b喺預產期當日出世
不過唔知係唔係因為雙子宮定係遺傳問題
我b比較輕磅同細粒
我陀個陣冇m到，好似都冇胎盤低嘅問題，我只係記得頭12週都有流啡
因為醫生話我係另外一個子宮黎m 所以見紅
反而我無流啡ge情況，咁呀b好乖肯到預產期先出世，你果陣成個孕期重得多唔多呀？
唔知係唔係因為我跌親所以流啡
重咗接近15kg，唔知算唔算叫重好多
我有個朋友都係雙子宮，但佢係台灣做IVF都冇成功，唔知咩原因