有時真係覺得… 老豆, 可唔可以比少少熱情我呀~~~
話說, 屋企唔夠地方住, 2個仔又大… 咁我早前決定唔再用工人
第一時間買左個洗碗機, 唔想呀媽洗碗禁辛苦…
(呀爸就覺得我多9魚, 我地2姐妹輪流洗咪得囉, 但講真, 大家放工返黎點會想做家務)
但事實證明, 部洗碗機係好有用, 我地食完飯, 執好晒D 野入部機, 大家就可以做自己野~ 多左好多私人時間.
我媽都買左個拖地吸塵機械人, 我大仔主理清潔部機
自此之後, 無特別野我爸我媽都無再拖地掃地.
(唯一我爸無出聲, 可能係因為我媽買既)
最近, 我見我媽腰唔好, 我又見我爸成日開左地席訓響地下睇電視… 有時就坐響食飯椅到睇…仲成日會訓著… 咁… 我就去買左張按摩椅返黎
我媽第1時間就坐上去按, 又叫我教佢點用點用. (但其實我都唔識我都未試)
但已經幾日… 我爸都係好冷淡… 仲話 “我無坐過wo” 就行左去
我爸份人就係咁, 我都明知佢係咁… 但我真係有D hurt…
成家人都對我買返黎既野係好高興好開心, 但就係佢…冷冰冰…
佢同你個名一樣，i am who i am haha。佢口硬心軟。
幻想緊你爸爸係"我們這一家"入面嘅花老爺
其實我唔洗佢讚我唔洗佢做D咩…
其實我買左, 你用就得架喇… 唉~
但傳統既人係難接受新事物。我老爺奶奶係好傳統，啊爸阿媽新潮。
老爺奶奶接受唔到洗碗機（成日覺得浪費水，手洗仲快),，唔鐘意氣炸鍋，水煲仲用緊要落水煲個啲，覺得無需要用即熱水機。
我覺得學歷高啲容易接受新事物。
我好羨慕人哋屋企成屋智能家電，真係方便雙職父母做家務
但老一輩唔會咁諗，因為佢哋果個年代冇呢啲嘢，但一樣做晒啲家務，所以就覺得呢啲嘢係多舊魚
年代唔同，體諒吓佢唔識嘢
如果出埋曬衫+摺衫機就好喇~
我覺得asian由其男人都比較poker face
唔多願意表露自己情緒
我覺得你已經做得好好 
我99都係,買親咩都話唔好用,要用舊野
老公見佢成日話腳痛都買左按腳機俾佢,佢唔中意用左一次話按得好痛就無再用
我老公都孝順仔,但做親啲咩佢都話唔好唔好, 問親佢食唔食某間餐廳就會答你未執粒咩?
覺得樓主爸爸無出聲可能只係大男人性格怕醜唔講,其實個心係高興既?
係呀，有啲野爛咗整返仲貴過買新，而且新已經買左，佢都要整返個舊既。
有啲野我老公偷偷dum左直接換新算。
其實好多老人家都係咁, 你係阿爸, 我就阿媽… 買咩都彈… 我明架, 佢唔想我side錢買嘢… 所以咪樣樣都話唔好囉… 等我唔好再買…
老人家要氹啊，你買咗返去第一時間要同佢講，老豆，我專登買俾你㗎，見你日日瞓係地下睇電視，咁辛苦，一路按摩一路睇就正啦，我公司/朋友個阿叔知我買咗張按摩椅，佢話佢想要好耐架啦，佢個女/仔唔肯俾佢買話冇位喔。咦，你識唔識用啊，我唔係好識啊，我地一齊研究下。
我明。
以前如果我買一樣新嘢返屋企，佢哋嘅反應係晒錢，明明唔係用佢哋錢買，又大家可以用
而呢個「晒錢」嘅有骨說話會講足幾個月…
有次係屋企有個廚房用品發mould，咁為咗健康就換個新啦。
點知每次用佢都不停咁話舊個好好，每日都話舊個個仲用得。
之後就無買過任何公家用嘅嘢，真係貼錢買難受 
自己做左開心就算、有啲老人口講嘥錢但你唔做又唔高興、可能係出面係咁讚你孝順呢
無計架……
即係例如蘋果有益喎，但人地就係唔鐘意食，你為左佢身體好，買返黎批埋皮比佢呀，佢都唔會感恩架。
我明白，有時付出不一定成正比， 覺得好心淡
你真係好好
會唔會係你經常性以“唔想媽媽辛苦”嘅名義而買，其他人啱用就一齊用埋啦，有時男人睇呢啲位仲小氣過女人，不屑做“順便”嗰個
我反而貴重嘢係送俾阿爸多，嗰種專屬感會令佢覺得好有面子，就算係啲小零食我都係話買俾佢，當然佢一定會同阿媽分享，但聽落就係有佢心
老一代人好多都係咁，可能喺外人朋友面前讚妳讚到不得了。
我終於見到我老豆用張按摩椅喇