開學到而家，仲未可以每日寫齊手冊。（老師講話日日都會比足夠時間佢哋寫。）
一般要幾耐先識？可否分享下你哋點教寫手冊？
通常一年級老師會提同學即刻寫手冊。肯定係小息貪玩多。
4 個方法：
- 等畀老師罰，只要漏過一次畀老師鬧鑊甘，咁就學得識
- 貼紙獎勵計劃，寫齊冇欠帶欠交就獎貼紙
- 教定一套符號/代號，類似速記，同埋簿面痴個貼紙。例如 D/c 即係默書改正，M ☆ 12-13 即係數學作業做 p 12-13。
- 最昂貴嘅選擇，訂造印仔 e.g. 作業第 __ 頁，作文改正，咁佢一 dum 印就算冇寫邊頁都起碼知道有呢份功課。懶人貪玩人恩物。
4個讚
欠得多，比老師罰下冇小息，就會慢慢寫齊。
BTW, 我果個小三有時都寫唔齊
寫唔齊，但小朋友記唔記得要做咩功課？
我小朋友小一有時都寫唔齊，或者佢知寫漏咗。
就算寫齊手冊，佢地啲外星文完全睇唔明佢地寫乜 
建立習慣，食lunch時或最後一堂前一定要check 手冊
我果個四年級都會有甩漏
當佢抄齊果日
我會好開心咁讚佢：「你今日做得好好呀，抄齊晒喎，真係大個仔啦。」
下午茶會特登整啲佢鍾意嘅野食
有時行返學會提下佢：你今日記抄齊手冊啦….
4個讚
我個老師係正向⋯只會鼓勵，又唔會話罰佢，家長日都係叫我多啲鼓勵同提佢。有時無寫都記得有咩功課（因為入咗功課袋）可能佢真係覺得寫漏都無咩所謂。
我都有行獎勵計劃，但似乎都唔夠動力佢維持好習慣～～
有時候太正向嘅壞處，就係講極唔入腦….
最後又係阿媽忍不住出口鬧…
無錯
老師只係叫我多啲鼓勵佢寫齊手冊⋯⋯
唯有日哦夜哦
1個讚
我小朋友會揀黎寫
溫第二課，讀課文x次，幾時默書…全部自動cut晒，佢話呢啲唔駛做唔寫
但係連帶xxx果啲都唔寫
宜家仲有網上家課表，遲啲唔知點搞
2個讚
就算寫齊都睇唔到寫乜鬼⋯⋯啲字草到飛起
Nice Summary 
我經常提醒小朋友，寫手冊係幫自己記得要做啲咩功課，幫自己唔好欠交，你有信心可以記得做齊，就寫得幾潦都唔緊要，因睇手冊，做功課，交功課都係佢
就算寫唔切，都搵方法幫自己記
放晒要做嘅作業/書落功課袋，喺頁數位置加tick
帶xxx就一定要寫，就算畫公仔都好
1個讚