唔好意思，因為關於台灣IVF既內容唔多。
想問問大家有冇台灣VIF經驗分享?
目前睇到既有4間都有人討論過，有冇姐妹講下自身經驗?
至王X瑋、禾馨X蘊、送X鳥同埋茂X，依4間會比較有興趣
我依嫁34歲
求分享謝謝!
2個讚
推~~
我都想問同樣問題
本身睇緊仁安，打算8月做IVF, 但而家想去台灣做。本來就係打算去茂X, 但再睇睇下都見有人講王X瑋、禾馨X蘊、送X鳥，仲有間愛X。因為茂X喺台中，其他好似全部喺台北都有，位置上係台北方便少少，但茂X係成間醫院咁好似大規模d…
睇過一個舊post(好耐之前搵唔返) 有人講過去台灣做，但冇特別講details, 希望去過台灣做嘅谷友分享吓，萬分感激！
我2018年去王x 瑋, 成個流程經驗覺得好好
仔仔2019 出世
有咩想知我盡量解答~
2個讚
我都見唔少人讚王，但都有睇過有人話佢｢唔信免疫｣，即係未必會建議人做PSG之類…
我個case係38歲高齡，驗咗AMH得1.9, 而FSH不尋常地高到17… (正常值<10, 而我睇過唔少人寫自己AMH得0.6或更低但FSH都冇我咁高)… 而家仁安叫我今個cycle再去驗多次(因為上次我食緊中藥，佢哋知後即刻反對，要我停藥再驗), 如果驗過都仲係咁高，即係我卵巢功能係好低，唔會抽到好多卵，質素都唔會高，仁安亦有講如果我FSH持續咁高都唔會開針畀我開始IVF, 即係要驗到有一次回落返先可以開療程，因為咁高情況下我對d針藥都唔會有太大反應，唔會谷/抽到好多卵…
但同一時間，仁安都不斷同我講要同時間競賽，話我AMH咁低，已經冇乜貨，遲一個月做可能會差好遠… 我本身打算7月個cycle開始IVF (月尾M到，即係都去到8月), 而喺而家呢段時間，我除咗等今個cycle返去再抽血同見醫生外，仁安冇建議過我做d咩可以降低返FSH (當然我自己有食supplements), 正如佢哋唔畀你睇中醫一樣，佢哋覺得任何外來方法包括supplements都冇用，療程時佢哋開嘅針藥已經足夠，但問題係我個case擺明就係基本針藥係唔足夠(仲要我老公d精都係弱，形態得1%, 量又少), 但佢哋只係同我講我唔會抽到好多卵，而亦因為咁唔建議我哋做遺傳病檢查同PSG, 話對我冇好處，因為本身已經唔會有好多卵(質素又唔會好), 再做埋PSG可能一粒都冇得剩，即係佢哋覺得反正都係搏，唔理好壞都照用，因為我卵少卵差冇得揀…
我同老公想做PSG係因為高齡，想篩走有問題嘅胚胎同埋增加成功率，因為我之前照過子宮內膜薄，我經期一向都係得3日，我知我係難著床，如果仲要放d未必好甚至可能有問題嘅胚胎入去，其實真係嘥錢又傷身… 而家我想去台灣做係因為技術好d, 同埋聽人講用藥進取d, 而且好多已經係做第三四代(做埋PSG好普遍)… 我知我個case如果做PSG可能要抽多過一次cycle嘅卵先夠做，但計過條數就算我要抽兩次卵，計埋機票酒店都平過香港。(如果我喺香港做，就唔會做PSG, 因為醫生都咁唔建議嘅情況下，我堅持做就好似唔聽佢專業意見咁，而且喺香港做都貴，仲要喺開療程之前兩公婆去抽血驗咗遺傳病先，嗰度都起碼$7000-8000)
唔好意思講左咁長嘅故事，因為我感覺係如果喺香港做好似咁冇把握咁，我會去台灣試試… 回歸返個問題係我見過有人話王｢唔信免疫｣，你嘅經驗係點？
呢間我有聽過，但未research過，你可以分享吓過程嗎？
不過我聽好多成功例子，其實一係冇我咁高齡(就嚟38), 一係就AMH嗰d冇我咁差(我1.9), 一係就係就算卵唔好但精冇問題… 但我個case係卵同精都差… (so sad)
同埋可能我自己諗多咗，我感覺係仁安對我個case其實冇把握，純粹叫你試，反正都係搏… 我知就算去台灣做，我都係搏緊一個好細嘅機會率，但就係計過條數，如果我真係抽一次卵得好少，喺台灣我哋係afford到再抽多次，儲夠個量先揀胎放胎，但喺香港仁安就未必喇，仁安一次唔ok嘅話我哋應該會去排QE…
Btw, 本身都報左名聽另一間嘅講座，等我都去報埋你嗰間先，thanks!
PM 你share 多啲
1個讚
我4月係王醫師到抽完卵，黎緊下個月返去放胎，到目前為止感覺都好好！
我2月係廣華開針，抽10粒只有3粒受精，最後無一粒day5，無胎放 
要再排期重新開針，我唔想再等，所以休息左一個月就去台灣搵王醫師。
係王醫師到雪左2粒day3 & 5粒day5，有返希望 
2個讚
加油!
1個讚
我有喺台北送X鳥開針, 環境服務真係舒服過香港好多
想問下點解會雪D3既?
因為唔知培養到Day5仲有幾多粒，如果全軍覆沒的話都仲有2粒day3可以植入。
有冇做PGS?
我嚟緊都去王醫師度做，點解你隔幾個月先返去放胎？有冇做PGS?
1個讚
我以為一定要放D5，因為D3 醫生話冇咁好
我響瑋哥度做IVF, 而家等緊放雪胎~
成個流程好順暢, 同埋佢地係有幾個廣東話職員, 唔洗要求, 每次覆診佢地都會從旁協助 
我2020年喺王醫師做ivf, 第二次中左阿仔，兩次都是植入day 3鮮胎。王醫生話我d胎唔靚，早d植入靠母體收復好過等到day 5。其實兩次我都有10粒左右受精胎，每次植入三粒後王醫生都有幫我試養到day 5,兩次其他都養唔到去day 5。你如果睇佢，就信佢判斷吧
1個讚
唔想再開新嘅台灣IVF post, 騎劫呢度繼續傾下問下意見…
我8月喺王醫師度做第一次IVF，本身除咗我抽得兩粒卵然後得一粒受精外，其他嘢都算暢順，一千零一粒胚胎但叫做係A級，內膜夠厚，植入後回港等兩星期自己驗孕bingo，可惜再過多兩星期後流產咗。
嚟緊會再返去王醫師度，重頭再嚟過… 但呢次我同老公都考慮緊我係咪應該留喺台灣耐d，因為我哋都覺得台灣嗰邊嘅質素同服務都好香港好多，而且上次流產經歷令我哋對香港呢邊冇咩信心…
上次未流產前，我本身照王醫師指示，驗孕bingo後兩星期要去超照聲波確認胚胎著床位置，但打咗去幾間診所嘗試預約，都話我只係第4週唔會照到，因為佢哋係由植入嗰日開始計週數，叫我等到第6-8週先再約。但問返王醫師嗰邊，佢哋係計我bingo時已經第4週(即係由嗰次cycle第一日開始計)，所以bingo後兩星期已經係第6週，係可以照… 呢樣嘢已經令我覺得好困惑… 雖然最後畀我夾硬預約到，但好可惜係未等到去嗰日就流產咗…
而喺公立醫院睇急症、到上病房留院、再到之後覆診嘅經歷都好差… 例如d醫生係唔知我算係懷孕第幾週、留院一晚其實d醫護嘅口吻都係話我已流產，但要再返去驗多次血比較個hcg指數去確定/排除宮外孕，同埋都係問多兩句就唔想答你嗰d喇… 出院兩日後返去覆診驗血，姑娘講明｢如果冇咩特別｣就唔會打畀我通知我報告結果，同時安排咗我成三個星期後先再返去覆診照聲波(我見其他patient都係一星期後就覆診)，更加令我覺得我個case已經係｢冇得救｣，隔咁耐先返去照超聲波應該只係照下個胎流清未… 但之後返去婦產科覆診時，個醫生先同我講我第二次個hcg指數｢升得好靚｣，佢好似係以為我返去係做產檢照個BB睇心跳咁… 係我同佢講我之後有自己出去驗hcg已經跌到<5，而且都流咗成十日血，佢先(笑住咁)話｢咁今次唔好彩流產咗喇｣… 我本身用三星期｢接受｣左自己流產，叫做平復咗情緒，但當個醫生流產當產檢咁睇，我hcg有升又唔早d同我講，搞到我覆完診後當堂喊咗出嚟… 總之成件事我係覺得好離奇同confusing，我老公都覺得成件事好差，令佢好冇信心…
所以我都有諗下次植入後繼續留喺台灣，留到驗孕，想可以由王醫師繼續跟進，但而家諗真d，其實bingo後嗰幾星期先係最critical，我老公就話如果驗孕bingo就繼續留多兩星期，但我就反而有d動搖，覺得留唔到咁耐，不如都係植入後就返香港，唯有係自己小心d…?
同埋我另一個concern都係，始終唔係台灣人，王醫師診所唔係開24/7，有咩緊急嘢我一條友喺嗰邊就唔知點算… 其實我諗99%去台灣做IVF嘅人都係植入完就走，大家喺香港睇婦產科都好似冇咩問題，其實係咪我哋對香港過份冇信心？
P.S. 留咁耐住酒店會使好多錢，雖然我老公覺得預咗使呢舊錢，但我係覺得肉赤嘅
P.P.S. 我嘅工作係可以work remotely，所以喺台灣我係可以繼續做嘢有收入，亦唔使煩請假問題
我覺得免疫同懷孕有好大關係
因為好多IVF過好多次都失敗既人
有啲係照唔到bb心跳、有啲係放榜之後流產
婦科狀況都正常但就係搵唔到原因
大幾率可能係免疫問題
免疫細胞如果太活躍會排斥同攻擊個胚胎
胚胎根本就冇機會著床同發育
之前就聽過有人話王唔信免疫，都唔會去驗或者係做任何預防同治療
我覺得既然都要試IVF，如果年紀又大點解唔多check埋呢？
萬一真係免疫有問題搵到原因及時治療成功機會咪大啲咯
建議可以去搵重視免疫問題既醫院試下~
(同埋PGS都好重要，千奇唔好忽略，可以做就做埋~唔好再浪費多一次機會)
1個讚
有邊間推介？
我之前都有聽過王唔信免疫，所以本身係考慮其他醫生，但睇睇下因為見有負評，而王好似評價比較好… 同埋本身冇已知嘅免疫問題，之前冇嘗試懷孕/未懷過孕或流產，冇咩track record，所以第一次做IVF冇特別話要搵免疫醫生/處理呢方面問題。但上次流產咗，我諗嚟緊返去王可能會探究下係咩原因，或者有其他建議畀我… 同埋佢診所而家都有一個睇免疫嘅醫生…
本身係覺得要做PGS，我係好堅持覺得一定要做添… 我本身睇緊仁安但臨開療程前改變主意去台灣嘅其中一個原因，就係因為我同香港個醫生｢意見不合｣，佢唔建議我做PGS，話對我冇好處，原因係我唔夠卵… 我去到台灣先知，原來自己AMH真係好低(喺香港驗時因為用個單位唔同，令我誤以為自己未算好差)，加上冇過住流產歷史/有任何免疫問題的懷疑，所以王都覺得唔一定要做PGS，除非抽到好多卵，有條件去慢慢篩選…
而最後我抽得兩粒啫，真係冇條件做PGS，當然我可以再抽多次卵，儲多d胚胎去做PGS，但因為上次胚胎有A級，內膜又夠厚，覺得唔想浪費，所以就做咗植入。嚟緊返去，如果都係抽得咁少卵，我應該會再儲多d先做下一步，但做唔做PGS，我諗都要睇情況再決定，因為都有聽過有d胚胎未必捱到去day5 (所以植入day3鮮胎係個better choice)，又或者做PGS切過片反而令個胚胎受咗破壞用唔返之類… 總之我個case，卵少係最大制肋，PGS呢d已經唔係話我想做肯畀錢做就有得畀我做咁簡單…
咁你係咪都喺台灣做？你有做PGS？可唔可以分享吓你嘅經驗？thx~
我覺得你好勇敢, 面對咁差既經歷仲願意分享。
你心情有高低係正常架, 有咩唔開心都可以上黎呻。
抱抱, 祝你下次好孕, BB 執緊行李, 準備再搵你地。你都唔好咁大壓力, 趁未去台灣就去食下好西享受下先
我都聽過有d 媽媽係自身有免疫問題, 呢個建議幾好