坊間所言既三私一直之一，100%升英中既成績
想聽多啲真實用家講下小朋友既情況
我仔已經畢業四年，冇100%咁多，85-90%啦
。功課唔算多，當年三測三考（宜家好似改咗）。所有科目officially 教深半年至一年，但係過來人話你知一定唔止
小四下學期中文科已經有初中野，唔好以為教下，要考架
小三開始多兩科，一科science ，一科外語（法or日文），science 讀完三年，全個初中可以食老本，其實sfa畢業，基本上初中真係可以hea過，不過睇你自己buy 唔buy,同埋小朋友係咪谷得。不過冇可否認，佢哋嗰底真係打得好厚，同埋我仔係超級loyalty to學校嘅，都宜家都proud of 自己係讀sfa。
以前校長有句slogan叫d細路「係sfa考第尾都唔使咁擔心，出面學校考第一都唔使咁開心」好q串
我哋一年半前過咗UK,因為出生月份，我仔跳咗一級，銜接零難度，佢第一日返學同學仔同老師都話佢d口音係native,一d都唔似剛剛到UK，黎緊5月考GCSE,predict grades 英文9,其他科唔係9都係8
我哋其他朋友係香港讀普通津小，上band one中學，同我仔一樣case,英文predict grade5-6 only,可見sfa功力深厚
不過老實講嗰六年真係唔嘢少，值唔值得真係好見仁見智
1個讚
尼緊9月小囡讀小一, 而家已經備戰緊 
我親戚個女也是、佢自己係屋企教, 已經教到lighthouse 4, 小孩話好淺。不過佢叩門St Mary’s及天神, 入到就會去
St Mary小一用lighthouse 3&4, 啱晒
不過所有女女叫晒救命嘅唔係英文（咁SMCS英文教得亂，都有一部份叫救命嘅），係中文
朋友仔本身入左，讀左小一一陣，佢話d家長好chur, 會話學校俾唔夠功課，朋友話其實已經好多功課。後尾收到名津call waiting，即刻走人
你睇SFA升中好似唔錯（其他三私一直亦然），但果六年背後，學生、家長究竟額外仲用左幾多心血氣力，操學術、領獎、專長，應該唔難想像。
三私一直，當中有唔少人係放棄不錯的龍校，代表甚麼？就係佢哋aim at更上一層樓的神校。係呢班人入面要保持中游（先唔講上游）已好不容易，所以諗清楚啦。
利申：不是用家，但都算有dd研究
好多人都諗住入SFA之後插班走人
基本上而家插班好似變做norm咁，乜學校、屋企有錢無錢都試插班。替學校辦學感到艱難。
咁又係既
但如果叻又更係想小朋友去間更好既學校
係呀、佢女叩天神門做卷都話英文淺，中都淺、反而數深（不只是加減）…佢個女語言叻、數唔得…
自從換左校長後，今年小一少左功課，每日大約2-3樣。無咩默書，半個學期幾次，不過默一次個範圍幾廣，中文要默埋詩歌。但比起舊校長已經無咁chur, 得閒左。
不過在校家長仍然視間學校為踏板，呢家甚至誇張到未插入黎，已經諗定之後要跳去邊間小學，個個都目標為本。
而且收唔少資優sen, 聽聞學校安排佢地班房坐埋一邊，唔太理人，學術屈機。
source from 今年小一用家（not me）
都唔係既、插班只是少數. 大多數讀開不會轉。係想更上一層樓的才轉。三私一直中、係SFA跳船高、KTS 及TSL 都低
真係？
我岩岩聽到有人小二已經讀過3間小學，仲想繼續跳wo…
小一入學一間，小一下學期一間，小二再轉另一間，越跳越好
其實都係個幾間：mcs, smcs, 天神, DGJS, GH, 協恩
咁女仔既，男仔就跳其他男仔學校
都係呢類名校啦
係，太crazy，細路對學校都唔會有歸屬感，當係過客。
其實咁jumpy, 會唔會令細路大個轉工都轉黎轉去
放心，SMCS叩門試同入讀後嘅測驗考試係兩回事(不過唔清楚天神係咪一樣）數係大抽獎入嘅都平均90幾，中文會深過叩門試好多
最怕唔識飲思源，同周圍同學build up 唔到一個長久關係，build 唔到trust, 缺乏安全感，長大後就比較麻煩
4個讚
其實不jumpy 呀、SFA個啪都係轉一次姐、及轉得走也是轉入有直屬中學的、不出國不移民的話一直讀到dse 、仲有歸屬感
見中文而家間間都深，地區2線小一測驗都成版閱讀理解…
1個讚